Day 2 11月20日 Part 2 奧萬大國家森林公園

睇完日出, 食飽飽, 問到有包車去奧萬大, 約12:20分出車, NT650/位, ok la, 5:00 回程
即刻返去休息, 約好團友11:30 再集合, 向7-11 食d 野就出發, 因為公園真是冇咩食, 有餐廳, 但都冇時間食啦.

呢兩個鐘好緊要, 訓得好甜, 咁先有精力繼續行程
我地上到清境最好海拔的7仔食午餐, 仲將尋晚食剩的雞肉叮熱, 拎上去食, 味道不錯, 簡簡單單又一餐, 食飽就出發. 我地呢架包車是併車, 落到去友愛鄉再一對夫婦就直接出發, 都要40分鐘車程 (由山腳計), 山路彎多, 轉來轉去, 終於1:30 抵奧萬大門口, 原來包車比你玩是3:00小時, 4:30要返回原點接我地走.
時間只容計去一個景點 (瀑布或吊橋), 我地當然揀吊橘, 出名d. 向香港都操過行山, 唔是行呢度都辛苦, 一陣貼相你地就知.

行完就跟車返上清境, 但唔駛返民宿, 向小瑞士下車, 閒逛一陣, 就來個early dinner, 我地揀左國民賓館食, 套餐平, 有自助沙律, 主菜(魚或牛), 我食魚, 味道一般, 環境可以. 食完就call 車叫民宿接, 都好快來到. 今日行程又接近完結, 幾個女人向房傾下計, 食下生果, 真寫意.

明天又有包車來接. 早餐後就要離開清境, 向車埕集集火車站出發.

Day 2 11月20日 Part 1 合歡山日出

今朝一早起身, 訓得幾個鐘, 但為左上合歡山, 頂硬上, 沖定包咖啡帶上去. 幫手保暖.
今次裝備好夠, 2條褲, 3件褸 (一件民宿借), 2對襪, 帽, 頸巾, 手套, 齊晒, 真是好有用.
有個朋友可能狀態不佳, 行行下面青青, 好在有我咖啡比佢飲 (佢水都冇帶). 未天光前, 仲睇到少少星, 但唔多識睇乜座物座:), 上到去等天光, 山上風大, 不過看不到咸旦黃, 但d 雲好靚.

分享以下照片

這次清境總算上到合歡山, 好開心輕奮, 睇怕短期內唔會來lu.




睇完日出, 返去食完早餐, 再眠一眠, 到11:00先再出發
下午包車去奧萬大睇吊橋.

Day 1 11月19日 -- HK --> 台中 青青草原

HK --> 台中 (清泉崗) AE1820 1010 / 1140機票: $1,652 / 一套

今日一早出發, 選擇坐機鐵 二人同行 @80.- ok la, 貪時間快
8:30 出到機場, 原本好輕鬆, 慢慢嘆早餐,
不過一位團友預計錯時間, 佢坐 A巴到機場, 但因又突然少左班車(上網CHECK 住), 加上路面繁忙, 結果團友要中途跳車轉機鐵, 有驚無險, 再最後5分鐘趕到, 變左我的早餐都是食知無味, 但唔緊要啦, 至緊要開心出發.

唔是好識用BLOGSPOT, 唯有寫晒後貼圖 (仲有d 圖貼唔到, 唔知點解, 是咪有限制架??)

班機準點出發, 去到台中, 以為好快可以出發, 點知團友A 大懵, 去到停車場坐包車, 先無意發覺行李掉包了(好在我堅持要問佢開O急借野先發現) 2個一模一樣的行李箱拿錯了, 好在都及時改正, 但比人系咁狂炳(cry), 算啦, 千祈唔好影響心情...
下圖就是我地包左兩日的車子了. 司機ok la, 都friendly.

擾攘後, 出發上清境, 我地爭取時間, 其實冇刻意再食正餐, 但上到清境 (因修建護牆), 塞左陣, 去到清境都3:00了, 因來緊都知道冇咩時間可入, 得兩小時, 照殺, 好在咋, 天氣很好(比去年時間好得多) 羊咩咩都好好玩, 今次唔覺得佢地dirty, 都拍到好照片. 呢個門票NT160值得的.

行完青青草原, 師傅帶我地去呀東食甕仔雞, 我未食過, 但都幾好味, 呢餐要300多港幣.

食完車番去黃慶, 黃慶差不多是清境最高的民宿之一, 我地今次book 左兩間四人房, 因唔想同人孖住訓, 豪d, 真是好舒服, 2間房剛好貼住非常方便, 張床點look 都得. 有暖氈. 好warm, warm 到熱醒左, 呢晚訓得唔好, 3:50左右要起身, 4:30 出發日落.

黃慶好好, 每日有水果提供比房客, 房間很乾淨雅致, 今次民宿選對了.

Day one finished.

台中四天完滿歸來

玩樂時光太好了, 唔經唔覺, 我是上星期五晚回來, 結束了台中四天之旅.

計一計, 上次自己拋下家庭去玩都要數到7年前泰國, 能有這樣私人時間, 真是很奢侈. 但唔理咁多, 玩左先算!

總括:
今次非常滿意

人: 四位靚媽很合拍, 合作無間, 無不愉快事件發生

天氣: 比上年四月出發好得多, 算沒有下雨 (中間只有小雨, 不影響行程), 雲彩很美, 陽光間斷出現, 不太晒 (正合我意), 溫度預計之內, 很舒服. 我裝備很充足.

景緻: 很不錯, 終於上到合歡山看日出, 雖太陽被雲檔住, 但景色一樣靚, 至好是我自己好久都沒有看過 (不肯早起). 算對自己有交待.

食: 很多地道小吃都吃得到, 很滿足, 只可惜只有一個胃, 吃不了太多.

住: 今次選對了民宿 - 黃慶果園, 看出用心做, 很貼心, 溫暖.

交通: 飛機準點, 包車兩天, 很好, 雖然司機是老江湖, 但對行程瞭如指掌, 掌握都不錯.

詳細內容希望有時間寫出來跟大家分享!

太忙, 又要重新投入工作. 年尾都是工作繁忙時段.

甲狀腺

早幾個月條頸摸到粒野, 醫生排期照左超聲波, 寫紙我去睇甲狀腺外科, 比個特快期我, 今日去左睇, 真是超快, 15號做完, 29號見醫生 (快過約私家), 照到是水瘤, 最大個粒有3.2cm (話大唔大, 話細都唔細), 估唔到今日即做針抽, 好似抽血咁, 吉針抽野 (抽血舒服d), 始終有痛, 做完吞口水都痛....甲狀腺驗血正常, 醫生話驗過正常就應正常, 唔會粒瘤大左而唔正常, 但抽細胞希望可以知道粒野是咩(希望冇衰野!), 但又話未必夠細胞驗...抽完應該細粒左(當時好似是), 但而家摸落又唔覺細左...唔通唔快充斥番?? 好唔想做手術 (crying!)

呢科冇藥食.

今日又抽血, 連埋下星期sle 一共七筒 (好耐未試過咁多!)

甲狀腺是2個月後見.....

下星期 SLE 見!

台中四天遊

前言: 上次約7月食飯, 同朋友傾下, 好想出去旅行, 揀呢d 日子當然冇小朋友份, 一講大家都好有興趣, 就是咁就 go go go la!!

其實去年已去過台中清境, 可惜天氣強差人意, 失望而回. (冇上合歡山, 清境天氣一般, 一粒星都冇) 今次希望可以睇到啦! 人老, 選的地方都希望有益身心, 見多d 綠色都健康d.

Day 1: HK --> 台中 (清泉崗) AE1820 1010 / 1140
機票: $1,652 /一套
包車直上清境 台幣3000 (6小時服務)
老英格蘭 lunch or tea 宿黃慶

Day 2: 合歡山日出 3:40 - 7:00 NT 700/位 10:30 出動
下午奧萬大 1:00 – 5:00 NT 650/位宿黃慶

Day 3: 包車回台中 11:00出發, 集集車呈天空之橋 6小時車 TW3000
行逢甲夜市宿新驛

Day 4: 台中市遊 /宮原眼科 / 誠品

台中 --HK AE1831 1815 / 1950

至搞野呢個出發日期一改再改, 第一次自己老人痴呆, book 左一日不能離港日子(飲宴), 到第二次是朋友有一日唔可以離港, 所以一共改左兩次. 因我出發時是四人同行票, 一個都不能少. 下次一定唔訂呢d票種, 太約束.

期待今次旅行順利, 暫時放下工作及家事, 享受享受~~
下個月出發!!

磁力共振 MRI

話說由開始有左牛皮癬後, D 背痛腰痛跟埋來, 而家每日訓到臨天光都會痛醒, 未食mtx 時仲衰, 腰痛到可以伸唔直, 結果醫生寫紙比我照, 做咁耐納稅人, 拎到呢D福利 (比你地都唔要啦！）出面照一PART  至平都7000, 我咁大忽位, 肯定過萬, 而家免費.

其實我唔是第一次照MRI, 對上一次是5年前入院那次, 是照頭 (驚我SHORT 上腦), 今日勾起很多回憶, 上次病到傻下傻下, 斷晒片, 因照MRI 是好嘈的, 又唔比郁 (怕照唔清) 過程都辛苦, 好在都叫做照左. 下次覆診就知情況.

下星期仲要再去一次照超聲波, 睇下近頸位粒野是乜冬冬!!

中秋節快樂

近排心情都比較鬱結難抒, 原來yahoo blog 結束對我都有打擊, 電腦又唔是好叻, 又想保留以前的一點一滴, 當中就要花時間慢慢做. 暫時進度都ok....希望快上手blogspot 個format....格式始終未盡善. 今日公司收早4:00....早早返去休息下. 佳節下..都祝各位人月倆團圓!! :)

與狼同眠的日子

為搬家作準備做好分類先.

yahoo 搬屋 (testing 得左).

其實寫yahoo blog 真是無心插柳, 向2006年見人寫自己又學下, 個陣份工邊有而家咁忙丫 (其實冇轉工, 是工作多左 ) 但一寫就7年, 寫到yahoo 執笠

相識左一班網友, 好開心下, 冇見過面, 但感覺親切, 比起d 成日見面感覺有時仲好 (是咪陶醉緊虛幻世界呢??) 人心未必個個真, 但反而網絡冇包袱好多時都是真心話可以繼續就梗是想繼續, 希望blog 友都是咁諗法la............唔好嫌我煩!

我新屋地址, 有興趣可追縱我, 又或者你都留個地址比我繼續互通消息丫

http://www.bettyfromyahoo.blogspot.hk/

羅馬非一日建成, 起blog 工程一樣,,,,,,,,,,,,,,,,,,,,慢慢來!

新手

真是唔識用, 老人家好怕新事物, 睇怕有一段時間適應, 學習中. 只希望一向向yahoo 見開的blog 友能於這里一起繼續吹水, 傾下講下分享下. yeah!!

2013年8月16日覆診記

今日又是覆診日子, 可惜今日見是醫生仔, 未見過, 問o既野亦唔多, 連anti-dna 都唔知多少, 淨是話百幾, 穩定. 我最近發現頸位多左粒野, 好似比波子大, 同醫生講, 佢都話有d野, 怕是甲狀腺, 叫我吞口水, 禁兩禁, 話要排期超聲波, 有可能再做針抽 (唉, 應該冇事卦, 都唔希望再開多科, 好鬼煩). 今日又問我打唔打, 但又話唔是上次介紹個隻, 但一樣要自費, 講真, 一來要錢, 二來有副作用, 我又覺得未至於差到要即刻打, 冇答實佢. 依然食mtx. 下次是12週後覆診.

而家近喉嚨位多左粒, 更加唔想打住啦......

磁力共振排左10月做 (好快), 背部是平時唔多痛, 但訓得耐會痛醒, 照下睇下有冇發炎情況 (但知道又如何).

除左呢d, 其實個人都冇咩大唔妥. 食得訓得痾得

我仲買左機票11月又去台中, 今次同朋友去, 一定唔可以有任何變化, 要努力!

中一放榜

這個月公司都忙到一頭煙, 同事請病假, 唯有頂埋佢部份工作, 冇所謂啦, 個個都有機會請假. 希望佢能快點返回工作崗位就好了.

上星期正是中一放榜日, 今年我置身其中, 小女正是其中一份子.初小時期, 以當時成績, 心中對她沒有什麼期望, 感覺都是中游份子, 沒有家姐的拼勁, 沒有好勝心, 一向對分數毫不著意, 從不上心, 芥懷. 總知沒有唔及格就是了.

但隨著時間, 成績好像跑前了, 5年級成績跨前一步, 原來她亦是一塊材料, 只是未用心去做. 到6年級, 大家(包括我與老師)對她寄望甚殷, 總渴望她能考上家姐中學, 與家姐一起成長. 直至上星期, 派位結果出了, 她未能如願, 派到另一家我亦心儀的英中. 但傻妹由老師接過派位証後 (當時我在禮堂, 她在班房), 竟哭成淚人, 沒想到她有這麼大反應, 還要班主任作心理輔導. 但小孩即是小孩, 跟住買飛睇場戲已沒事了. 雖然跟住兩天她都有問中學有沒消息, 因我地都有去將資料放去家姐中學, 希望有面試機會, 結果當然是音訊全無. 今日都考埋分班試, 書買了, 校車訂了, 校服做了, 塵埃落定, 唔會改變.
況且女兒真是憑真材實料考入, 可能是注定呢!

這個派位遊戲實在太折磨了, 真的苦了家長, 苦了學生!

下次要面對的是大女DSE, 仲有2年, 暫時可以鬆一鬆!

２０１３年5月２４日覆診

呢排真是好忙，上星期覆診，好懶，好難抽時間寫．
但都是要抽少少時間做左佢.

今日好好, 見我的是莫教授, 好似見緊老朋友咁. 狼瘡指數大概穩定, 但anti-dna 由上次的131 去到166, 佢都話冇問題, 可能其它數據靚仔. 但朋友只有30幾 (今日有個病friend 同一天覆診), 會唔會是旅行晒過, 但anyway, 佢話冇事就算. 我話背痛仍有, 上次x-ray 冇問題, 今次是排MRI  應該是免費.
剛做了骨質疏鬆檢查, 托賴數據都OK. 但比4年前當然是下趺左, 但依然是安全區域內.

皮膚就嚴重, 要加藥MTX 加到8粒, 佢話是亞洲人的上限, 睇下情況點, 12週後覆診. 原本傾到問我有冇興趣做白老鼠, 試D 未上市的生物制劑, 但後來計過又話未夠分 (即是未是最嚴重), 仲要抽簽, 都是唔搞.

見我唔抗拒, 佢又講下下次覆診, 若太差會否考慮自費用生物制劑 (Usekinumab) 一支針$18,000, 預3個月一次, 未講清楚, 但除$$$$ 外, 都是有擔心, 怕影向到dna 指數. 至慘是點知要用幾多藥(長期), 邊比得起.....

希望加藥後, 情況有所改善!

Day 1 - 深圳 --> 昆明 --> 羅平 (part 1)

今朝早機, 5點幾起身, 好累. 賓館有車送我地去機場, 非常好, 因坐夠人即走, 我地都好醒目, 出到機場7:00幾, 唔知關唔關尋晚事, 今日人山人海.

7日的家檔    KFC 早餐


搞好晒, 去kfc 早餐, 8:00 boarding 可能太耐冇坐飛機, 冇預時間安檢. 7:50仲未過到, 有d 驚, 我 C9 仔是咁問人讓比我行先! 好在班機都遲左, 冇晒問題  班機都等到接近9:00 起飛, 直飛昆明長水機場.



飛機上派的餐盒, 個包漲卜卜, 因海拔關係, 向雲南D 餅乾一樣漲卜卜架!


機場是新開的, 都好靚架. 有PAT 姐張相, 一眼認出師傅, 展開七日之旅!


DAY 1 - PART 2 後續! 等等啦老友!

Day 1 - 深圳 --> 昆明 --> 羅平 (part 2)

到達昆明機場, 師傅與我地商量路線, 結果作出改動, 由東川原先是第一站, 改為尾站, 先去羅平, 再去元陽, 最後東川, 基本我冇意見, 只要玩晒計劃地點, 有賺啦!

呢架車不離不棄七天, 都好ok. 坐5個人鬆動, 多個都嫌迫!


今日機場去羅平, 應該不用入昆明市, 但一樣坐足幾粒鐘, 只中途食飯, 呢餐原來師傅作東, 找左數我都唔知, 到比錢時, 老闆娘話: 己付過 $148元, 我如夢初醒, 點塞都塞唔到. 冇計啦, 諗住到尾找數時先一次計.

呢間是車行到邊, 隨意找一間就入左去. 都幾衛生,

開飯啦, 只鴨30元人仔, 好抵食, 但原來豆腐個菜(下圖左邊)都要30元, 真r頭, 問左又話冇計錯數~

有冇看到下面有d 咩特別呀?.....虫出沒! 是試左兩條, 味道冇咩特別  但食淨好多~ 呢碟半份盛惠8元.

羅平沒有油菜花了, 工人忙於收割油菜籽. 淡季有淡季好, 咩都平, 唔駛爭!

呢間房師傅找回來, 好似是70元 (唔多記得), 新裝修過, 都好ok架~

洗手間，呀妹至欣賞個厕所, 唔駛踎厕 (沿路加油站全要踎)

房間沒有wifi, 大堂有, 都好丫.

夜晚個餐經不起師傅盛情, 去左他家作客, 佢親自下廚, 仲好好味.

d 菜有板有眼架!

食完飯, 休息lu

day 1 finished.