忙到死死下

好耐冇update自己個 blog 來左呢度少好多blog 友
呢排工作真是排山倒海，做唔切！我的好同事又放三個星期大假 (呢d 呀太佢話知扣薪,放左先算） 可憐我要頂埋一份。平時唔頂都冇時停。而家。。。T^T 捱埋明天好多了。 但我手上一樣多工作。

下星期大陸兩天遊去玩下。輕鬆下。唔是對唔住自己！

身體： 托賴還可以，指數OK。膽固醇過左少少。肝酵素軽微高排照超聲波。皮膚冇好，冇法子。二十周覆診有史以來至耐。

回顧2013

冇左yahoo blog, 呢度始終用唔慣, 又同d blog 友失散, 只剩下寥寥無幾, 寫blog 興緻日漸磨掉, 希望能堅持下去吧!
寫左都冇人睇.....又冇咩表情符號!

呢一整年我總括滿意

1) 家庭: 雖仍充滿爭吵之聲, 但總算齊齊整整. 老爸身體托賴, 不需要我地太費心. 99身體亦不錯.
2) 學業: 細女能考上一間不錯的英中, 以後日子看她自己做化, 迫不得, 打不得. 大女還是沒有盡力, 能上心一點, 成績何止於此....
3) 工作: 仍然老樣...忙, 但很充實, 有時雖然透不過氣, 但回報亦很滿意, 現正等待過年前派成績表, 指望勝舊年.
4) 身體: 覆診覆診再覆診, 今年多了一科, 甲狀線, 上次針抽後, 報告出了, 沒事, 水囊縮細了, 不用做任何野, 但醫生話我功能是責界低的, 要留意, 唔怪得有時會覺得"心有餘力不足", 可能是它影響我吧!
5) 娛樂: 平日做得咁辛苦, 有得玩當然要玩, 2013年出門兩次, 都算是咁. 希望今年繼續有得玩, 我正籌劃復活旅遊, 搜集緊資料, 希望能找到便宜機票.
前排好天氣, 盡量抽空行山, 鍛鍊身體, 香港風景不俗, 有時間多些行. 有益身心.

2013就此別過, 我們每天都能哼著高歌
2014一齊如常, 美食每天都能一一品嚐

展望2014, 各位朋友都開開心心, 身體健康
準備向馬年say hi)))))))))))))))))))))))

中秋節快樂

近排心情都比較鬱結難抒, 原來yahoo blog 結束對我都有打擊, 電腦又唔是好叻, 又想保留以前的一點一滴, 當中就要花時間慢慢做. 暫時進度都ok....希望快上手blogspot 個format....格式始終未盡善. 今日公司收早4:00....早早返去休息下. 佳節下..都祝各位人月倆團圓!! :)

yahoo 搬屋 (testing 得左).

其實寫yahoo blog 真是無心插柳, 向2006年見人寫自己又學下, 個陣份工邊有而家咁忙丫 (其實冇轉工, 是工作多左 ) 但一寫就7年, 寫到yahoo 執笠

相識左一班網友, 好開心下, 冇見過面, 但感覺親切, 比起d 成日見面感覺有時仲好 (是咪陶醉緊虛幻世界呢??) 人心未必個個真, 但反而網絡冇包袱好多時都是真心話可以繼續就梗是想繼續, 希望blog 友都是咁諗法la............唔好嫌我煩!

我新屋地址, 有興趣可追縱我, 又或者你都留個地址比我繼續互通消息丫

http://www.bettyfromyahoo.blogspot.hk/

羅馬非一日建成, 起blog 工程一樣,,,,,,,,,,,,,,,,,,,,慢慢來!

新手

真是唔識用, 老人家好怕新事物, 睇怕有一段時間適應, 學習中. 只希望一向向yahoo 見開的blog 友能於這里一起繼續吹水, 傾下講下分享下. yeah!!

中一放榜

這個月公司都忙到一頭煙, 同事請病假, 唯有頂埋佢部份工作, 冇所謂啦, 個個都有機會請假. 希望佢能快點返回工作崗位就好了.

上星期正是中一放榜日, 今年我置身其中, 小女正是其中一份子.初小時期, 以當時成績, 心中對她沒有什麼期望, 感覺都是中游份子, 沒有家姐的拼勁, 沒有好勝心, 一向對分數毫不著意, 從不上心, 芥懷. 總知沒有唔及格就是了.

但隨著時間, 成績好像跑前了, 5年級成績跨前一步, 原來她亦是一塊材料, 只是未用心去做. 到6年級, 大家(包括我與老師)對她寄望甚殷, 總渴望她能考上家姐中學, 與家姐一起成長. 直至上星期, 派位結果出了, 她未能如願, 派到另一家我亦心儀的英中. 但傻妹由老師接過派位証後 (當時我在禮堂, 她在班房), 竟哭成淚人, 沒想到她有這麼大反應, 還要班主任作心理輔導. 但小孩即是小孩, 跟住買飛睇場戲已沒事了. 雖然跟住兩天她都有問中學有沒消息, 因我地都有去將資料放去家姐中學, 希望有面試機會, 結果當然是音訊全無. 今日都考埋分班試, 書買了, 校車訂了, 校服做了, 塵埃落定, 唔會改變.
況且女兒真是憑真材實料考入, 可能是注定呢!

這個派位遊戲實在太折磨了, 真的苦了家長, 苦了學生!

下次要面對的是大女DSE, 仲有2年, 暫時可以鬆一鬆!

10月20日再接再厲

今日又是行山日, 地點亦是香港仔水塘. 但今次所走路線不同, 沒有入水塘, 改為入灣仔峽.


沿路好舒服

風景不錯

結果用左2小時半由香港仔行出灣仔, 仲見到呀女以前幼稚園地點已改為起樓.



時間不留人, 好多東西在變!

10月2日大潭郊遊樂

好耐冇行山, 趁假期約到幾個朋友, 目的地大潭, 呢d 天氣好, 少少曬, 但唔算熱. 一班人飲完茶約1:30出發.  一個好好的家庭活動:

坐6x 巴士上到黃泥涌油站行上去, 原來巴士有分段收費, 真是唔知, 好在冇蝕到!
呢度是出發點:

你地有冇扒過艇仔?

今次好勁, 原本冇plan 行咁遠, 結果我地是行到上埋大風坳再落則魚涌...我覺得自己好叻

大潭風光, 真是唔錯

你地見到咩?...........................................................蜘蛛 (沿路見到都多)
\

這里是之前沒有預計的~ 都來到


結果, 下午茶變左下面的晚飯:


後記: 小腿痛左2日....但值得
這星期再接再勵, 地點另定. 行短d

2011回顧

人大了, 時間真的過得很快, 今年特別忙, 無論在公在私, 連我一向愛寫blog 的時間都沒有了.

工作:
由於公司同事病倒了, 自3月開始我一直要兼顧多一份職務 (以前是半兼), 而家是一力承擔, 幸好我還可以打電話問問, 總算勝任,已沒有開頭戰戰競競的心情. 由今年所得到的回報, 我絕對相信公司對我工作表現很滿意~ 我亦覺得公司待我不薄, 只希望繼續保持, 寄望同事早日康復同時, 亦希望工作壓力唔會影響我o既病, 咁就好lu~

身體:
托賴, 病情穩定, 今年仲減左一粒藥, 但皮膚問題仍很困擾, 未受控制, 唔通要再出去找皮膚專科睇?

家庭:
自己做埋工人o個份, 都慣lu, 經常為"找鐘點"念頭來來回回, 想請又怕煩....唉!
公主學業暫時ok, 可以應付, 再過2年, 小公主上埋中學, 我應該得閒d.

綜觀: 今年都順利, 除左我家老細比個"驚嚇" (跌斷手) 我, 好在都康復得唔錯, 其它都唔算太差.
老爸暫時都ok. 唔望d 咩, 至緊要各人齊齊整整, 身體健康!

沒有工人的日子~

工人走了已一星期多, 對於我來講, 變化都算大, 始終我用工人的日子不算短.
最近公司工作十分繁重, 放工感覺疲累, 我已經事先找來親戚幫手買菜做飯, 因最後幾天暑假沒有人看顧女兒, 實在未能放心, 因之前工人財仔事件沒完沒了, 於工人離職第二天已收2封財仔信, 好在我親自去入境處遞交通知書, 去電對方都"明白事理", 叫我傳真信件去close file.

至於家務方面, 原來真不少, 開頭小口子都氣勢如虹, 肯做肯聽, 可惜不出數天, 小的已不受指令, 還好大的仲叫做"肯做" (但已有怨言). 我亦開始習慣要做家務, 奈何身體不是我所能控制, 乾有意志是不夠的, 希望做下做下身體會習慣啦!

暫時唯一好處是感覺前所未有的"自由", 但換取呢種自由是要付出代價的, 暫時唔考慮工人住, part time 亦唔想, 試下是否行得通?

成也工人 敗也工人

用左10年工人姐姐, 等我講下有咩好處先:

1) 唔駛點做家務 (自己可以做下唔做下, 唔是硬性規定要做)
2) 唔駛點煮飯 (有心情間唔中會客串下)
3) 公主有人帶返學
4) 公主放假我唔駛請假
5) 公主放學早退考試放早呢d , 我一d都唔駛操心 (包括公主一年總有幾天病假)
6) 我放工唔駛一定即刻馬上返屋企, 可以行下, 逛下, 約朋友食個飯都仲得
7) 至憎一年2次換季, 做得好辛苦
8) 一大棚屋企人返來食飯, 我唔駛做得咁辛苦

======

世事冇野咁筍, 有好處實會附送唔好處 (壞處), 都要提下

1) 我血壓會上升 (因為梗有野做得唔好, 要話, 要罵, 好勞氣)
2) 公主太倚賴, 咩都唔識做, 變左好無手尾.
3) 水費驚人
4) 電費都巧貴
5) 養一個工人, 成本上唔叫平 (我地呢d 低產家庭), 而家至updated wage 是$3,740/月, 未計機票, check up fee, insurance, ticket.....
6) 冇咩私人空間(我間屋好細架!), 你同呀sir 講句野都好似有人偷聽咁
7) 佢買咩煮咩我就要硬食
8) 要防佢偷野
9) 佢借財仔你要接埋d 追數電話 (**呢個是我決定唔再用的原因之一)
10) 要硬聽佢d 一連串大話, 但又唔知自己講野前言不對後語
11) 有時會以為佢先是太太, 我是工人!

不過我總堅信冇工人一樣可以好好過日子, 唔通成世都要用工人咩!
我會努力迎接這個新挑戰)))))))))))))))))))

冇工人 = big challenge??? ----> 我要將呢句改寫  冇工人一樣可以好好過日晨!

開心長隆2天遊

開心長隆2天遊 ( 3月26日至 3月27日 )
好開心，今年公司又搞旅行，正式來講是繼08年台北之旅到而家，雖然budget 縮左水, 但總好過無啦，以而家公司環境，算對員工好好，我是免費出遊, 我話事人半費，而我小公主只收半價，物超所值.
節目包括有: 來回船票，長隆新酒店一晚, 動物園，晚上自助餐，馬戲表演 (坐VIP區)….仲有嶺南印象園 (舊年我同話事人去過啦! 但再去都OK!) 全程VIP享受，廣州分公司同事好好安排，安排非一般團餐, 好好味呀!
2日一夜時間眨眼就過, 返到來要好好努力工作，回饋公司~
今次坐船上去, 好C服, 團體票價可以拎到200元一套來回, 比平時平好多呀!

住長隆新區, 上次來住是2004年lu, 個陣都覺得巧靚, 今次都冇失望!

d 房好大

食buffet, 呀女同白虎映相

長隆大馬戲, 好精彩~

動物園一瞥

火紅鳥

財爺派6千

財爺派錢, 位位6千, 我當然高興, 但又同時擔心政苦施政紊亂, 嘈下就可以改, 做成無威信的政府~
講真個句, 我寧願將呢幾百億做d 長遠福利, 醫療...教育等都好需要改善.
但話說回來, 你會點洗呢6千?
我基本冇咩, 可能大喝一餐, 原本復活節旅行....咪可以幫補一下咯.
不過我唔只有6千, 是1萬2呀 (老公個份我要埋 )

大嶼山一天遊

今日難得呀女學校假期, 我地咁耐都未坐過360, 一於去坐下, 咁o岩小朋友做緊promote, 免費坐  不過排到上去買票都一個鐘.

車票

大佛 - 冇行上去, 只遠望矣

心經簡林 - 第一次去

大澳日落 - 都好靚
至難得今日去埋大澳, 坐船仔, 睇棚屋又睇海豚, 我地好幸運, 第一次睇海豚, 又比我地睇到, 好多條, 有白豚, 有灰豚, 大家睇得好輕奮!

終於望到返家鄉

住公屋長大的我, 曾幾何時, 一直渴望入住私人樓, (唔好話我歧視, 只想下一代唔需要住進這些環境), 記得當初結婚時, 仍然住緊公屋, 平日經過的地方, 乜垃圾都有, 更甚的是針筒, 用完 d dom dom, 衛生用品, 不堪入目, 唔想他日子女要在這些"贈品"下成長, 唔是私人樓一定冇, 但事實又真是少見好多.
我於是在97年時, 因公司有額外獎金, 更促使我實行自己的計劃, 在高峰期買下自己第一層物業, 大拿拿拎出畢生積蓄, 比左3成首期, 一嘗做業主的滋味! 誰不知, 一買就遇到老董的8萬五, 亞洲金融風暴....經濟逆轉, 樓價節節下挫, 買入不足3年, 樓價已下挫5成, 個心好唔開心, 點解人買我買, 買得咁唔著時呢! 息率又高, 11.5% (同而家爭天共地呢 ), 週街斷供, 負資產聲音不絕, 但我仍然死守, 最後更搬到此物業一住10年到而家.
從沒想到我買入的樓價可以向有生之年返到家鄉 (真是萬萬想不到)又唔是咩優質屋苑, 樓齡日高. 但大家都知道樓市在呢2年低息環境下瘋狂攀升, 屢創新高, 直到近日, 我禁銀行估價, 終於過左我買入價 !都算有d安慰, 雖然樓價上升下跌對自用者根本冇咩意思, 你都是咁樣住架啦 (賣左訓街咩 ), 但總算為自己有一個"窩", 而當年做出的一個決定, 又錯唔晒喎!!
換樓暫時唔會再諗 (因為供樓實在太辛苦了, 唔要做房奴), 有錢都留來傍身, 留在將來不時之需, 加上自己身體, 點知做得幾耐喎.....
講完

清明上河圖

好想帶兩位公主去見識下, 一早留意新聞, 第一日開售就去排隊, 人不算太多, 不過都排左一個鐘架, 我一共買左20張 (每人限買咁多), 反正都排, 咪call 下親朋邊d需要咯.
去唔到世博, 去亞博(亞洲博覽館) 補番數 .

智慧的長河：電子動態版《清明上河圖》 展覽及博覽館開放日將於2010年11 月9-29日假亞洲國際博覽館舉行，活動詳情如下：

日期：2010年11月9-29日
時間：上午10時至晚上9時 (每節參觀時間為1小時)
地點：7號及9號展館
票價：港幣$10
訂票熱線：2010年10月19日開始在全港41個城市電腦售票網發售。觀眾亦可致電售票熱線(852) 2111 5999 / (852) 2734 9009，或於網上訂票www.urbtix.hk
活動網頁：http://www.qingmingriverside.hk
主辦機構：上海世博會事務協調局
康樂及文化事務署
電話：(852) 2732 3294
性質：公眾展覽