珠海4天遊 ~~ Day 2

今日前所未有的冷, 我睇香港新聞話得7度, 我相信呢度得5度左右, 好在早有準備, 頸巾手套少不了. 咁凍....一早plan 左今日出發去御溫泉, 我地分左2架私家車去斗門, 一程一架車收人仔100元, 點到點, 唔算貴.
門口一景:

晌入面消磨左大半日, 冇食晏晝, 掛住玩, 淨是食左入面d免費水果, 三文治, 走時因為冇叫定車, 都是坐大巴返出去, 但大巴d 路好兜, 頭搭尾要2小時車而返到入去. 跟手又坐車去橫琴食蠔 (農家菜), 果然名不虛傳, 蠔有好多種食法, 好好味~~ (每斤要38元)

胡椒湯

薑蔥好好味

炸反而唔好食

焗蠔

羊腩一般

豬手好味, 薑好粉, 人仔35元

呢隻雞不及第一晚的打邊爐老雞好味~~

呢隻轆鵝好正, 超'林'

呀女話除左浸溫泉好玩外, 其次就是呢隻狗仔, 佢話喂狗好好玩! 有4隻咁多~~

春節珠海4天遊 (10年2月18日-21日)

年初五, 舉家出外旅遊, 原本都睇過旅行團, 可惜過年團費實在太貴, 無力支付, 最後決定去伯娘家玩, 一大班人飲飲食食, 好開心呀.
不過, 第一日出發已有問題, 我地托人買了團體船票在港澳碼頭上船, 11人當中(包括我)都睇漏眼, 結果到入閘後, 吓.....d飛原來是中港城的, 唉, 好在仲趕得切, 結果每人都要補差價同手續費先可以上船, 好在仲有得改, 唔是仲甘, 個個都要買過飛先得! 我地諗住貪平, 而家反而仲貴, 呢個是小插曲, 好在跟住都好順利.
出發~~

船上一瞥

第一天的晚餐 ~~ 豬肚雞打邊爐, 好好味! D 肥牛好滑!

澳門一天吃喝玩樂遊 (至好是一個仙都唔駛自己比)

星期三, 我同我家老細一齊出發過大海, 對上一次同佢一齊去都要講番幾年前, 個次同埋d朋友同女一齊去, 今次是首次同佢2個去澳門. 因為佢放緊大假, d細路返緊學, 我又唔多假期, 是咁易拎一日假陪下佢咯 今次好好彩, 上星期有網友提點, 向turbojet 登記可以試用易擦卡船票, 180元有一套, 2個人比預計慳番200幾元.(不過每人限一次, 同埋以我所知, quota 己full) 用時都好方便, 有職員教我, 好好用. 就是呢張卡啦!

用完退回卡連同問卷, 下次又可以慳50元一張 (12月20日前用), 有機會都想去多次呀.
我坐1000船, 可能是閒日, 好快到同過關, 11時多已到, 原本想第一站威尼斯人, 但找不到車 (返來先知要過隧道先得), 結果唔想o徙時間,  結果上左部去永利部車...就咁永利結果唔好彩

, 比我地拎錢走 (用左10分鐘時間咋

, 見賺到今日使費, 拿拿林走人lu) 第一站, 去左義順食隻皮奶,

 一般, 我反而覺得杯木瓜奶好好味, 夠杰! 跟住再去祥記面家食蝦子撈面,

蝦子撈: 好似是19元

為左可以嘗盡澳門美食, 都唔咁叫咁多, 驚下餐食唔落, 叫左以下咁多, 埋單42元
再行番出去新馬路, 即向鉅記買手信 (諗住買左先, 結果幾後悔, 因為拎足一整日, 我老細話我整估佢

, 因為一路行都好多機會見到鉅記, 唔緊要啦!

我地向新馬路其實冇咩目的地, 結果行左上指定景點, 大三巴...

(我估呢度假日實人山人海, 今日人算少)

大三巴無行到上去, 因為好晒同好熱. 映左2張相走人. 好無聊咁坐巴士去氹仔.....

去到個咩叫葡韻博物館, 又落車, 見到有新人映婚紗相, 呢度是幾有特色, 以前我都來過, 但今次冇

, 又上番去官也街個邊食魚翅湯 (假期我見過真是排晒隊)....滔哥介紹, 又唔是太特別啫, 反而是翅骨我覺得好硬, 不過38元一碗你想要求d乜, 呢餐盛惠102元.

口痕問下人新濠天地有咩睇, 佢地話有個天幕, 好, 一於打的去行下, 我以為天幕要買票, 原來唔駛, 是免費取票入場, 時間剛好 等3:00, 排左一陣

入得. 雖得10分鐘, 但效果好正, 值得推介

. 有機會去睇下,

天幕一個鏡頭

佢架shuttle bus 咁正, 每個位都有個screen.

睇完又走lu, 唔敢再入賭場, 怕要嘔番出來, 咁就唔抵麻!

. 其實向澳門感覺唔賭真是好難消磨咁多時間, 又冇咩街行....結果下一站又去左媽閣.....隔離間海事博物館, 都幾得意喎, 10元入場, 都消磨到一個鐘. 行完博物館, 行出來居然比我睇到日落,又幾靚喎!!

原本想去海灣食葡菜, 可能時間早, 好冷清咁.又改變主意返落去新馬路, 結果左兜右兜, 去番新馬路間新帆船餐廳, 又幾好味喎,

牛尾湯 (好似汁咁濃, 老細話好好味!)

非洲雞

呢個沙律我好欣賞, yummy!! ^^

羊鞍, 燒得唔夠燶, 但勝在肉身夠腍~~

45分鐘後~~ 嘻嘻...都清晒!

可以一試, 招呼我覺得麻麻地! 呢餐盛惠440元.
今日行程到尾聲, 食完都7點幾, 返去都差唔多, 唔想太晏, 2個公主向屋企作反! 但我d師奶又諗縮數, 想慳番幾元車費, 咪諗住同老細去賭場坐shuttle bus 免費出碼頭, 點知去到....先知新葡京原來要你埋賭枱賭再問荷官拎坐車卷架 (真cheap!)返到來先知得呢間要卷咋! 不過又咁喎, 如果唔是咁, 我同老細又唔會拎多幾百元先走, 雖然唔多, 但夠晒今日吃喝玩樂lu !

總括:
1) 平日要返工, 間唔中都要輕鬆下o既, 呢d天氣出去玩下至o岩, 唔算好熱!
2) 澳門是一處好細的地方, 鐘意賭可以過來玩下
3) 而家船程好快好方便, 一個鐘左右就到, 舒服過我坐車返深圳
4) 我地呢d有家室, 唔駛side $$ book 酒店房, 千幾元一晚我唔捨得, 留番比d拖友比錢啦!
希望好快可以又再去咁就正!