湖南湘西湘中6天遊 （day 3)

遊完鳳凰，又要用番半日時間再出番長沙, 向長沙訓左一晚, 第二朝又要向湘西出發, 今次行程主要是梅山龍宮 (容洞) 同埋紫鵲界梯田
呢個行程至大特色是車程長, 每次起碼4個鐘;

呢個熔洞好大, 行左個幾鐘, 又分幾層, 至低層是坐船遊, 都值得一看, 是辛苦D, 行到我身水身汗!

玩完呢度, 再坐車入去紫鵲界, 入到去已摸黑, 以為可以逃票, 原來咁夜仲有人把關架>-<
早上天色唔好, 但都OK 啦~~

呢個是油菜花...炒起上來好好食~~

湖南湘西湘中6天遊 (day 2)

Day 2 鳳凰古城

一落火車, 就有導 遊 小姐來接, 先去享用一個簡單早餐 (食到一半至記得映相)

 又展開我地行程, 但我地只不過是由火車轉坐旅遊巴, 仲要坐5個鐘至到第一個目的地 -- 鳳凰古城

中途午餐門外的小販賣芒果 (10元有5個)都好甜.

午餐部份送菜, 冇映晒, 因為掛住食, 味道已遷就左, 盡量唔放辣.

去到的景觀, 感覺一般, 但真是人山人海, 始終是假期, 同埋已開發左的旅遊區, 天氣算冷, 我要帶上冷帽, 圍巾. 灰濛濛的. 但挺熱鬧

唔知咩花, 但開得好靚, 是向樹上的.

鳳凰一角

我地買左通票, 行鳳凰九景, 第一個景點是沱江泛舟. 算寫意, 撐船人唱唱山歌, 有意思.
原本吃過晚飯後, 打算再去玩夜市, 但小公主一句話好累, 我唯有留低陪佢, 無出到去玩, 始終坐左一日車, 是勊d, 由得佢地自己出去玩. 呢晚真是幾凍, 向鳳凰是整個行程景區至凍的.

呢d夜景唔是我映, 是大公主代勞.

 

湖南湘西湘中6天遊 (day 1)

4月1日 晚上

這次一共22人 (好耐未試過咁多人, 雖然識唔晒, 但都有一半是自己人)深圳坐火車上長沙, 這次刻意選擇火車夜車上, 一來利用時間, 第二朝早上到達, 其實唔駛拎大假, 但因身體不適加上要帶2公主出行, 我都是拎左半日假, 回家休息下再出發. 二來好希望2公主一嘗坐火車的滋味 (答案很好, 她們覺得很有趣, 仲話呢一晚睡得特別甜).

火車站人山人海, 應是趕著清明節回家吧, 卧舖票一早賣光, 連坐位票都賣清, 火車滿滿的, 第一天就是這樣渡過.

出發心情

明天就是出發日子, 但今次沒有平日出發前的輕奮, 亦沒有往時的holiday mood, 可能真是病到cc下, 食左藥淨是想訓zzzzZZZZ, 咩都唔想做, 行李未pack好, 乾糧亦未準備. 感冒原來唔止是傷身, 更可以傷’心’, 令到你咩都唔願做. 這個月我連埋2個公主睇e生真是數不清了. 好番又惹過, 同一間屋出入….冇計!
希望玩完返來可以好番晒啦!
祝各位有個愉快的假期 – Happy Easter!!
   

珠海4天遊 ~~ Day 3 + Day 4

呢日冇乜行程, 主要是去左拱北行街, 消磨下時間, 跟住去左做腳底按摩, 向拱北d真是呃錢, 手勢唔得仲要呃人鐘, 新年又加價, 但行到勊叫找個地方抖下, 呢d團都是飲飲食食, 揼下骨. 到夜晚就去左香州個邊食燒蠔, 試下街邊大排檔都有d風味.

sorry~~呢度全程冇映相因為掛住食, 6元一隻燒蠔算貴, 即開即燒, 我今日只食到一隻, 好飽, 有點肥膩感覺了~~
夜晚又是大人的節目, 開四方城, 小朋友就睇牒過時間, 好輕鬆下!!
Day 4 更加閒悠悠, 訓醒又去做下按摩, 今次試埋走罐, 好痛呀! 但感覺還可以接受~~
晏晝去左食客家菜, 呢度食好平, 呢餐6個人埋單都是百幾元. 因為有一群人離隊去左澳門, 我拖著小朋友寧願在珠海坐船走. 好舒服, 又唔迫!
焗豬肚

客家菜點少得豆腐, 仲要點2款呢!

呢個豆腐花免費架, 正!

就咁又過左個假期lu, 好期待復活節旅行~~
預告: 下一站.........湖南!

珠海4天遊 ~~ Day 2

今日前所未有的冷, 我睇香港新聞話得7度, 我相信呢度得5度左右, 好在早有準備, 頸巾手套少不了. 咁凍....一早plan 左今日出發去御溫泉, 我地分左2架私家車去斗門, 一程一架車收人仔100元, 點到點, 唔算貴.
門口一景:

晌入面消磨左大半日, 冇食晏晝, 掛住玩, 淨是食左入面d免費水果, 三文治, 走時因為冇叫定車, 都是坐大巴返出去, 但大巴d 路好兜, 頭搭尾要2小時車而返到入去. 跟手又坐車去橫琴食蠔 (農家菜), 果然名不虛傳, 蠔有好多種食法, 好好味~~ (每斤要38元)

胡椒湯

薑蔥好好味

炸反而唔好食

焗蠔

羊腩一般

豬手好味, 薑好粉, 人仔35元

呢隻雞不及第一晚的打邊爐老雞好味~~

呢隻轆鵝好正, 超'林'

呀女話除左浸溫泉好玩外, 其次就是呢隻狗仔, 佢話喂狗好好玩! 有4隻咁多~~

春節珠海4天遊 (10年2月18日-21日)

年初五, 舉家出外旅遊, 原本都睇過旅行團, 可惜過年團費實在太貴, 無力支付, 最後決定去伯娘家玩, 一大班人飲飲食食, 好開心呀.
不過, 第一日出發已有問題, 我地托人買了團體船票在港澳碼頭上船, 11人當中(包括我)都睇漏眼, 結果到入閘後, 吓.....d飛原來是中港城的, 唉, 好在仲趕得切, 結果每人都要補差價同手續費先可以上船, 好在仲有得改, 唔是仲甘, 個個都要買過飛先得! 我地諗住貪平, 而家反而仲貴, 呢個是小插曲, 好在跟住都好順利.
出發~~

船上一瞥

第一天的晚餐 ~~ 豬肚雞打邊爐, 好好味! D 肥牛好滑!