財爺派6千

財爺派錢, 位位6千, 我當然高興, 但又同時擔心政苦施政紊亂, 嘈下就可以改, 做成無威信的政府~
講真個句, 我寧願將呢幾百億做d 長遠福利, 醫療...教育等都好需要改善.
但話說回來, 你會點洗呢6千?
我基本冇咩, 可能大喝一餐, 原本復活節旅行....咪可以幫補一下咯.
不過我唔只有6千, 是1萬2呀 (老公個份我要埋 )

大嶼山一天遊

今日難得呀女學校假期, 我地咁耐都未坐過360, 一於去坐下, 咁o岩小朋友做緊promote, 免費坐  不過排到上去買票都一個鐘.

車票

大佛 - 冇行上去, 只遠望矣

心經簡林 - 第一次去

大澳日落 - 都好靚
至難得今日去埋大澳, 坐船仔, 睇棚屋又睇海豚, 我地好幸運, 第一次睇海豚, 又比我地睇到, 好多條, 有白豚, 有灰豚, 大家睇得好輕奮!

韶關高鐵3天遊 (day 2)

今次旅行除左浸溫泉是主打, 呢個景點都是 - 乳源大峽谷, 要坐2小時車程去睇, 景觀一般, 逗留一個半小時, 我覺得ok 咯, 應該丹霞山風景靚d,.

比你行5行落去, 呢個團不設, 我就冇本事.

空中飛人表演

韶關市中心地標 - 風采樓, 冇咩行, 仲比左一個鐘我地自由活動 (冇咩好做), 飲左杯蔗汁, 2元雞, 都好好味)

今晚餐團餐好難食, 好在出去找宵夜, 呢間清真舖仔好好味, 碗牛肉面4元, 仲要即時拉比我地食, 隔離碟羊肉20元.

10分鐘, 已經變左咁, 你話好5好食丫?

呢一晚是山水酒店. 麻麻地咋!

串燒, 正!

呢d 旅行團預左是咁上下, 好在冇點買野, 唔駛side 時間. 我仲可以向酒店睇無線台, 我追緊刑警!

韶關高鐵3天遊 (day 1)

哈, 我返來啦! 我就是去左韶關, 今次是舊地重遊, 講真, 冇咩印象了, 今次跟中旅
團費 $1339 + 保險 42 + 導遊費 150 = 1,531
嶺南印象園  + 雙程高鐵 + 乳源酒店 (雲瑤谷溫泉) + 大峽谷 + 必背瑤寨
全團12人, 勝在人少, 但原來我地至年青, 其它都是老友記~~
第一站: 嶺南印象園

甄子丹都來左?

豆腐花$5 / 碗, 唔錯!

得番個頭??? 好玩, 是鏡變戲法!

霍英東祠堂

高鐵車票, 冇得拎, 比旅行社收番開數.

憑票每人領一支水, 只有始發站先有提供.

呢架車好快, 都算定. 但我覺得機鐵好坐d.

乳源溫泉酒店 - 巧靚

房間, 厕所好open, 睇晒, 但有簾落.

夜晚食完自助餐 (冇映相), 因為帶漏charger, 怕冇電, 食完去左浸溫泉. 溫泉區冇映相, 行過去好近, 同埋好好玩, 因為唔人多, 唔迫.
返來有隻雞消夜 (自費人仔78元), 貴, 但ok. 不過因為我地食完buffet 都好飽, 結果都是老細硬食埋佢.
Day 1 finish~~
day 2 morning!

終於望到返家鄉

住公屋長大的我, 曾幾何時, 一直渴望入住私人樓, (唔好話我歧視, 只想下一代唔需要住進這些環境), 記得當初結婚時, 仍然住緊公屋, 平日經過的地方, 乜垃圾都有, 更甚的是針筒, 用完 d dom dom, 衛生用品, 不堪入目, 唔想他日子女要在這些"贈品"下成長, 唔是私人樓一定冇, 但事實又真是少見好多.
我於是在97年時, 因公司有額外獎金, 更促使我實行自己的計劃, 在高峰期買下自己第一層物業, 大拿拿拎出畢生積蓄, 比左3成首期, 一嘗做業主的滋味! 誰不知, 一買就遇到老董的8萬五, 亞洲金融風暴....經濟逆轉, 樓價節節下挫, 買入不足3年, 樓價已下挫5成, 個心好唔開心, 點解人買我買, 買得咁唔著時呢! 息率又高, 11.5% (同而家爭天共地呢 ), 週街斷供, 負資產聲音不絕, 但我仍然死守, 最後更搬到此物業一住10年到而家.
從沒想到我買入的樓價可以向有生之年返到家鄉 (真是萬萬想不到)又唔是咩優質屋苑, 樓齡日高. 但大家都知道樓市在呢2年低息環境下瘋狂攀升, 屢創新高, 直到近日, 我禁銀行估價, 終於過左我買入價 !都算有d安慰, 雖然樓價上升下跌對自用者根本冇咩意思, 你都是咁樣住架啦 (賣左訓街咩 ), 但總算為自己有一個"窩", 而當年做出的一個決定, 又錯唔晒喎!!
換樓暫時唔會再諗 (因為供樓實在太辛苦了, 唔要做房奴), 有錢都留來傍身, 留在將來不時之需, 加上自己身體, 點知做得幾耐喎.....
講完

清明上河圖

好想帶兩位公主去見識下, 一早留意新聞, 第一日開售就去排隊, 人不算太多, 不過都排左一個鐘架, 我一共買左20張 (每人限買咁多), 反正都排, 咪call 下親朋邊d需要咯.
去唔到世博, 去亞博(亞洲博覽館) 補番數 .

智慧的長河：電子動態版《清明上河圖》 展覽及博覽館開放日將於2010年11 月9-29日假亞洲國際博覽館舉行，活動詳情如下：

日期：2010年11月9-29日
時間：上午10時至晚上9時 (每節參觀時間為1小時)
地點：7號及9號展館
票價：港幣$10
訂票熱線：2010年10月19日開始在全港41個城市電腦售票網發售。觀眾亦可致電售票熱線(852) 2111 5999 / (852) 2734 9009，或於網上訂票www.urbtix.hk
活動網頁：http://www.qingmingriverside.hk
主辦機構：上海世博會事務協調局
康樂及文化事務署
電話：(852) 2732 3294
性質：公眾展覽

海洋公園

距離上次去海洋公園都有兩年起碼, 話說朋友送我一張9月份免費小童票, 我就再用600幾元買左3張大人票, 揀左今日去玩, 雖然天色麻麻, 但對我見光死的人來說未嘗不是好事, 今日一早出發, 未到10點就入園, 好順利, 冇咩人, 先玩平時唔會排隊的BUNGY JUMP (因為好長龍)
第一次坐海洋列車上山, 好快喎又.....
一去就是睇熊貓, 又睇埋小熊貓
個館冇咩人, 好C 服!

小熊貓都好CUTE, 有兩隻

呀女玩左兩次越礦飛車, 2次滑浪飛船 (我已經過左呢愛玩刺激野的年紀, 我一次都冇玩!) 跟住3次海盜船, 一次過山車, 我唯一有玩的是飛天秋千同轉木馬~~
不過跟住好大雨, 唯有入餐廳食野休息, 順便避雨回氣, 好勊呀!
過山車, 老豆都冇勇氣玩~~

下車坐番吊車, 好涼爽!

可能樂園D野食是咁貴, 普通小食亭, 一支汽水要22元, 一支水要16元, 真是搶錢.
仲有去左睇海洋館, 好似旺角咁多人 .  又去左尋魚館, 都冇咩太特別.
其它都是平日會去的威威(睇海獅), 但可惜太大雨, 雀鳥SHOW 取消, 只可以拍照.

由5:00開始, 雨就沒有停過, 我地逛逛下都準備走lu, 好在有帶備雨衣, 但其實都一樣濕晒, 就咁又過左一日假期, 唔知下次會幾時再去呢, 呢d樂園, 幾年一轉好lu, 行死人呀!!