江西之旅 - 行程篇

4月21日晚車 深圳 - 九江
4月22日 九江早上接車 --> 景德鎮 --> 婺源 (長灘, 菊徑, 思溪, 延村)   宿婺源
4月23日 江嶺, 曉起, 江口, 李坑, 月亮灣 --> 三清山   宿三清山下
4月24日 三清山 (南清園景區, 西海岸景區, 東海岸)  宿玉山
4月25日 龍虎山  (丹霞地貌, 坐竹筏, 睇懸棺表演)  宿南昌
4月26日 八一起義紀念館, 滕王閣 (中國三大名樓之一)
   (可以加遊南昌新建的摩天輪)     下午飛機回深圳
行程到此結束!

復活節2011 - 江西之旅6天遊 - 籌備篇

又是出遊時間, 復活節出去時候至適合...點解?
1) 天氣不太冷亦不算熱. 至o岩我, 又唔晒得又怕凍之人!
2) 2位公主schedule 就晒, 剛測晒驗.
3) 一連4天同埋朋友易度期.
今年, 選定了江西婺源, 三清山, 龍虎山為目標 (見地圖右面)
江西，簡稱贛，喺偏中國東南，佢家下係中華人民共和國一省，叫江西省。佢喺長江中下游南岸，省會係南昌。

我地會揀先到九江, 再經南昌返深圳.  

開心長隆2天遊

開心長隆2天遊 ( 3月26日至 3月27日 )
好開心，今年公司又搞旅行，正式來講是繼08年台北之旅到而家，雖然budget 縮左水, 但總好過無啦，以而家公司環境，算對員工好好，我是免費出遊, 我話事人半費，而我小公主只收半價，物超所值.
節目包括有: 來回船票，長隆新酒店一晚, 動物園，晚上自助餐，馬戲表演 (坐VIP區)….仲有嶺南印象園 (舊年我同話事人去過啦! 但再去都OK!) 全程VIP享受，廣州分公司同事好好安排，安排非一般團餐, 好好味呀!
2日一夜時間眨眼就過, 返到來要好好努力工作，回饋公司~
今次坐船上去, 好C服, 團體票價可以拎到200元一套來回, 比平時平好多呀!

住長隆新區, 上次來住是2004年lu, 個陣都覺得巧靚, 今次都冇失望!

d 房好大

食buffet, 呀女同白虎映相

長隆大馬戲, 好精彩~

動物園一瞥

火紅鳥

財爺派6千

財爺派錢, 位位6千, 我當然高興, 但又同時擔心政苦施政紊亂, 嘈下就可以改, 做成無威信的政府~
講真個句, 我寧願將呢幾百億做d 長遠福利, 醫療...教育等都好需要改善.
但話說回來, 你會點洗呢6千?
我基本冇咩, 可能大喝一餐, 原本復活節旅行....咪可以幫補一下咯.
不過我唔只有6千, 是1萬2呀 (老公個份我要埋 )

大嶼山一天遊

今日難得呀女學校假期, 我地咁耐都未坐過360, 一於去坐下, 咁o岩小朋友做緊promote, 免費坐  不過排到上去買票都一個鐘.

車票

大佛 - 冇行上去, 只遠望矣

心經簡林 - 第一次去

大澳日落 - 都好靚
至難得今日去埋大澳, 坐船仔, 睇棚屋又睇海豚, 我地好幸運, 第一次睇海豚, 又比我地睇到, 好多條, 有白豚, 有灰豚, 大家睇得好輕奮!

韶關高鐵3天遊 (day 2)

今次旅行除左浸溫泉是主打, 呢個景點都是 - 乳源大峽谷, 要坐2小時車程去睇, 景觀一般, 逗留一個半小時, 我覺得ok 咯, 應該丹霞山風景靚d,.

比你行5行落去, 呢個團不設, 我就冇本事.

空中飛人表演

韶關市中心地標 - 風采樓, 冇咩行, 仲比左一個鐘我地自由活動 (冇咩好做), 飲左杯蔗汁, 2元雞, 都好好味)

今晚餐團餐好難食, 好在出去找宵夜, 呢間清真舖仔好好味, 碗牛肉面4元, 仲要即時拉比我地食, 隔離碟羊肉20元.

10分鐘, 已經變左咁, 你話好5好食丫?

呢一晚是山水酒店. 麻麻地咋!

串燒, 正!

呢d 旅行團預左是咁上下, 好在冇點買野, 唔駛side 時間. 我仲可以向酒店睇無線台, 我追緊刑警!

韶關高鐵3天遊 (day 1)

哈, 我返來啦! 我就是去左韶關, 今次是舊地重遊, 講真, 冇咩印象了, 今次跟中旅
團費 $1339 + 保險 42 + 導遊費 150 = 1,531
嶺南印象園  + 雙程高鐵 + 乳源酒店 (雲瑤谷溫泉) + 大峽谷 + 必背瑤寨
全團12人, 勝在人少, 但原來我地至年青, 其它都是老友記~~
第一站: 嶺南印象園

甄子丹都來左?

豆腐花$5 / 碗, 唔錯!

得番個頭??? 好玩, 是鏡變戲法!

霍英東祠堂

高鐵車票, 冇得拎, 比旅行社收番開數.

憑票每人領一支水, 只有始發站先有提供.

呢架車好快, 都算定. 但我覺得機鐵好坐d.

乳源溫泉酒店 - 巧靚

房間, 厕所好open, 睇晒, 但有簾落.

夜晚食完自助餐 (冇映相), 因為帶漏charger, 怕冇電, 食完去左浸溫泉. 溫泉區冇映相, 行過去好近, 同埋好好玩, 因為唔人多, 唔迫.
返來有隻雞消夜 (自費人仔78元), 貴, 但ok. 不過因為我地食完buffet 都好飽, 結果都是老細硬食埋佢.
Day 1 finish~~
day 2 morning!