Betty (幸福從沒離開)

2012年4月8日

出發篇

又過左一個月時間, 好多野都落左細節, 再update 下先:

4月4日 HK --> 台中華信 1415/1545
    逢甲夜市宿逢甲花園民宿 (980/房,   total 連加床 2260)
4月5日早上0840 南投客運 --> 11:00 清境青青草原 / 小瑞士花園 / 紙箱王-->
    宿清境峰情 (3640 )
4月6日 11:00包車離清境  --> 埔里酒廠 --> 集集 /車埕 --> 蛇窯 --> 宿日月潭
    (水社碼頭, 3人房及2人房, 總碼 3480)
4月7日日月潭一日遊 --> 台中市台中 (2個雙人房) 1800/晚/房
4月8日芳之心庭 --> 精明一街台中市 (2個雙人房 1500/晚/房
4月9日彩虹眷村 / 市內遊 --> HK 1645/1820

好耐冇放長假, 好想去旅行.....
每年都對這個節日好期待, 希望今次都玩得開心.

2012年1月1日

2011回顧

人大了, 時間真的過得很快, 今年特別忙, 無論在公在私, 連我一向愛寫blog 的時間都沒有了.

工作:
由於公司同事病倒了, 自3月開始我一直要兼顧多一份職務 (以前是半兼), 而家是一力承擔, 幸好我還可以打電話問問, 總算勝任,已沒有開頭戰戰競競的心情. 由今年所得到的回報, 我絕對相信公司對我工作表現很滿意~ 我亦覺得公司待我不薄, 只希望繼續保持, 寄望同事早日康復同時, 亦希望工作壓力唔會影響我o既病, 咁就好lu~

身體:
托賴, 病情穩定, 今年仲減左一粒藥, 但皮膚問題仍很困擾, 未受控制, 唔通要再出去找皮膚專科睇?

家庭:
自己做埋工人o個份, 都慣lu, 經常為"找鐘點"念頭來來回回, 想請又怕煩....唉!
公主學業暫時ok, 可以應付, 再過2年, 小公主上埋中學, 我應該得閒d.

綜觀: 今年都順利, 除左我家老細比個"驚嚇" (跌斷手) 我, 好在都康復得唔錯, 其它都唔算太差.
老爸暫時都ok. 唔望d 咩, 至緊要各人齊齊整整, 身體健康!

2011年9月3日

沒有工人的日子~

工人走了已一星期多, 對於我來講, 變化都算大, 始終我用工人的日子不算短.
最近公司工作十分繁重, 放工感覺疲累, 我已經事先找來親戚幫手買菜做飯, 因最後幾天暑假沒有人看顧女兒, 實在未能放心, 因之前工人財仔事件沒完沒了, 於工人離職第二天已收2封財仔信, 好在我親自去入境處遞交通知書, 去電對方都"明白事理", 叫我傳真信件去close file.

至於家務方面, 原來真不少, 開頭小口子都氣勢如虹, 肯做肯聽, 可惜不出數天, 小的已不受指令, 還好大的仲叫做"肯做" (但已有怨言). 我亦開始習慣要做家務, 奈何身體不是我所能控制, 乾有意志是不夠的, 希望做下做下身體會習慣啦!

暫時唯一好處是感覺前所未有的"自由", 但換取呢種自由是要付出代價的, 暫時唔考慮工人住, part time 亦唔想, 試下是否行得通?

2011年8月4日

成也工人敗也工人

用左10年工人姐姐, 等我講下有咩好處先:

1) 唔駛點做家務 (自己可以做下唔做下, 唔是硬性規定要做)
2) 唔駛點煮飯 (有心情間唔中會客串下)
3) 公主有人帶返學
4) 公主放假我唔駛請假
5) 公主放學早退考試放早呢d , 我一d都唔駛操心 (包括公主一年總有幾天病假)
6) 我放工唔駛一定即刻馬上返屋企, 可以行下, 逛下, 約朋友食個飯都仲得
7) 至憎一年2次換季, 做得好辛苦
8) 一大棚屋企人返來食飯, 我唔駛做得咁辛苦

======

世事冇野咁筍, 有好處實會附送唔好處 (壞處), 都要提下

1) 我血壓會上升 (因為梗有野做得唔好, 要話, 要罵, 好勞氣)
2) 公主太倚賴, 咩都唔識做, 變左好無手尾.
3) 水費驚人
4) 電費都巧貴
5) 養一個工人, 成本上唔叫平 (我地呢d 低產家庭), 而家至updated wage 是$3,740/月, 未計機票, check up fee, insurance, ticket.....
6) 冇咩私人空間(我間屋好細架!), 你同呀sir 講句野都好似有人偷聽咁
7) 佢買咩煮咩我就要硬食
8) 要防佢偷野
9) 佢借財仔你要接埋d 追數電話 (**呢個是我決定唔再用的原因之一)
10) 要硬聽佢d 一連串大話, 但又唔知自己講野前言不對後語
11) 有時會以為佢先是太太, 我是工人!

不過我總堅信冇工人一樣可以好好過日子, 唔通成世都要用工人咩!
我會努力迎接這個新挑戰)))))))))))))))))))

冇工人 = big challenge??? ----> 我要將呢句改寫冇工人一樣可以好好過日晨!

2011年4月3日

江西之旅 - Day 4

今天原本導遊說很清鬆, 可以不用太早起, 導遊先生原意是玩得輕鬆, 沒有給予時間壓力, 但可惜我們又真是太慢, 查房又耐, 從玉山出發都要2小時車, 原來懸棺表是11:30開始, 我們時間又變得很緊張, 幸好導遊先生先打電話預訂門票, 并叫人在路口等待, 省回時間, 希望能追上表演. 我2位公主的票是沒得預訂, 因憑証件購買的. 講多一句, 今次門票2位公主省回不少, 因大公主咁耐未試過買到優惠票 (因為太煩, 人家一向當你成人票買), 但今次5同, 大公主省下來的基本可補貼小公主, 未頂得晒, 但我慳番 d 咯!
到達龍虎山要先坐船過對江看表演, 都剛開始, 算來得及了, 但看完又覺得唔算特別, 個人認為大峽谷的表演比這精采呢~
下面正是懸棺表演, 你看到嗎? 有條繩從上而下吊下來.

天氣一路放晴, 好熱呢!

你地有冇見過開浪褲, 我相信是中國特有.

上面就是放有懸棺....

象鼻山

我們坐竹筏原本遊"十不得", 可惜我們沒有另外付費, 所以沒有講解, 這里是導遊疏忽, 若一早講明, 我相信唔會有被老屈的心情, 但有團友表示, 就算比左錢都未必識聽, 因不是白話呢!

右面的一舊似唔似人面呀? 唔知是咪魯迅石呢?

門票被收了, 話要拎去報銷??

丹霞地貌, 唔駛來到江西睇, 去昭關睇一樣 !

原本有張天師府架, 但真是太熱, 好囉命, 我們選擇每個景點玩長d, 沒有再坐車去lu (因為都仲要行~

江西之旅 - Day 3 (part II)

企鵝獻桃, 都幾似!

以下我冇行了, 因我已走了5個多小時, 冇晒力~
仙人指路

西海棧道

我們從早上7;40 上索道, 8:00出發, 最初一段都算好好行, 陽光在對面, 我呢邊晒唔到, 但吃飯過後, 到玉皇頂過一線天, 問題出來了, 人實在太多, 一個义口都擠滿人, 很難想像呀...我去行山啫, 感覺去左銅鑼灣, 有機會post 番張相出來, 不在這張卡上. 經過呢處, 我已沒有興緻繼續, 只有5個人要繼續行程 (走陽光海岸及西海棧道), 我地其餘人跟隨導遊下山, 原想下山後再走一圈萬壽園, 可惜, 腿不聽使, 腳震, 最後唯有放棄, 先回酒店休息, 等多2個鐘, 他們都下來, 再出發去下一站 - 玉山
明天行程 - 龍虎山 (遊象鼻山, 看懸棺表演, 坐竹筏)
原本有去天師府, 可惜天氣實在太熱太晒, 後來取消了.