台中 Day 2 5 April 2012

一早起身, 出去找早餐食, 尋晚已找到一間心水, 食豆槳, 次飯, 呢種
食完就出發lu .....目的地, 清境農場,

早餐: 220元


可惜, 天氣不好, 沒有天朗氣清, 帶著霧水更添幾分冷, 應該只有15度.

好出名的老英格蘭, 我地住的民宿正在對面, 清境峰情
放好行李就出發上農場玩lu, 是民宿車我地上去~



從照片都見到好大霧水, 但羊群處處, 呀女都玩得好開心
只不過不敵天氣, 玩完青青草原, 就行到去國民賓館下的紙箱王食野
仲有小瑞士花園門卷送, 得2張, 留番比朋友入去
我就同公主們去寫明信片, 都好好玩
到處都有紀念印章供遊人蓋章, 小玩意有趣


羊仔好cute
見到映婚紗相

小瑞士花園, 好細, 要比錢入場就無謂
呢晚晚餐無咩點食, 因為有口角發生>-<

民宿: 清境峰情, 原本訂6人房 (3840元), 不過訂時已full, 但好在, 老板比樓中樓我  (12人), 變相upgrade, 我覺得呢一晚是咁多日至好玩至舒服的.
好好訓, 仲有暖氈.



Day 2 finish

台中 day 1 4 April 2012

一年一度旅行, 今日正式開始
機票由朋友於2月份買, 當時已沒有早機時間, 只能買到下午機直飛台中.
飛機餐可以用好味來形容, 熱辣辣, 不錯, 個零鐘就到台中lu.
原本想在機場買電話卡, 可惜, 因假期沒有營業. 原來台灣買有門號的電話卡是非常不便 (應是做犯法野太多), 結果要去到逢甲左找右找才買到. 仲要登記証件, 搞左起碼半個鐘先買到, 盛惠500台幣, 可惜整個旅程我只是100幾元, 仲有300幾餘額, 若半年內再到台灣就可以用埋佢, 否則都是作廢多.
我地冇訂車, 一早查左公巴, 可惜去到朝馬轉車站, 唔知點坐車, 的士又唔願接客, 因車程太短, 結果我地跟著一些學生哥, 接著o急去坐巴士, 好在, 都去到o既.

行李輸送帶 - 同麗江機場差唔多, 好細/短
巴士指示牌


到逢甲接近6時, 出去開始逛夜市, 晚餐就呢度搞掂,

逢甲花園民宿, 閒日價 980台幣一晚, 呀女加床300元
回程沒有住呢度, 因weekend 價要1880, 我覺得貴, 同埋唔再行逢甲夜市, 轉戰一中夜市

台灣好出名的大腸包小腸, 可惜太長人龍, 沒有試
但試左個大雞排, 真是好食過香港好多, 可以一試無妨, 50元一大塊
原來逢甲都有紙箱王, 向度都消磨左半個鐘, 呢度冇野食
去到青境我地有食個tea, 都可以o既!



呢餐當消夜, 味道一般, 但價錢實惠

跟手返民宿休息lu, 準備明天出發清境
一早book  左架7人車(民宿介紹), 一程收我2,500元, 司機不錯, 可以咯~

我回來了~

我回來了,
6日5夜行程劃上句號, 
基本上全都在掌握之內, 整個行程好好玩又唔算, 唔好玩咩, 又講不上, 我會這樣形容, 頭段是不錯的, 尾段可能更改了行程, 加上準備不夠, 搭公車耗費太多時間, 致令有些美中不足地方, 若有時間再慢慢與大家分享~

行程篇

4月4日 HK --> 台中 華信 1415/1545 逢甲夜市 宿逢甲花園
4月5日 早上11:00 清境 青青草原 / 小瑞士花園 / 紙箱王--> 宿清境峰情
4月6日 11:00包車離清境  --> 埔里酒廠 --> 集集 /車埕 --> 蛇窯 --> 宿日月潭 (未揀好)
4月7日 日月潭一日遊 --> 台中市 (未揀好, 有冇好提議ah, 要平同靜??)
4月8日 藝術館 / 薰衣草園 --> 台中市
4月9日 彩虹眷村 / 市內遊 --> HK 1645/1820

這個行程好初步, 好多料仲未讀熟.....

呢輪好忙, 冇以前咁多時間搜料, 都幾頭痕~

自由行的樂趣是自由編寫, 但真是要花時間精神 >-<

暫時搞掂頭2日住宿,
day 3, day 4 住宿未搞好, 要再做功課~

出發篇

又過左一個月時間, 好多野都落左細節, 再update 下先:

4月4日 HK --> 台中 華信 1415/1545 
    逢甲夜市 宿逢甲花園民宿 (980/房,   total 連加床 2260)
4月5日 早上0840 南投客運 --> 11:00 清境 青青草原 / 小瑞士花園 / 紙箱王-->  
    宿清境峰情 (3640 )
4月6日 11:00包車離清境  --> 埔里酒廠 --> 集集 /車埕 --> 蛇窯 --> 宿日月潭
    (水社碼頭, 3人房及2人房, 總碼 3480)
4月7日 日月潭一日遊 --> 台中市 台中 (2個雙人房) 1800/晚/房
4月8日 芳之心庭 --> 精明一街 台中市 (2個雙人房 1500/晚/房
4月9日 彩虹眷村 / 市內遊 --> HK 1645/1820

好耐冇放長假, 好想去旅行.....
每年都對這個節日好期待, 希望今次都玩得開心.

2011回顧

人大了, 時間真的過得很快, 今年特別忙, 無論在公在私, 連我一向愛寫blog 的時間都沒有了.

工作:
由於公司同事病倒了, 自3月開始我一直要兼顧多一份職務 (以前是半兼), 而家是一力承擔, 幸好我還可以打電話問問, 總算勝任,已沒有開頭戰戰競競的心情. 由今年所得到的回報, 我絕對相信公司對我工作表現很滿意~ 我亦覺得公司待我不薄, 只希望繼續保持, 寄望同事早日康復同時, 亦希望工作壓力唔會影響我o既病, 咁就好lu~

身體:
托賴, 病情穩定, 今年仲減左一粒藥, 但皮膚問題仍很困擾, 未受控制, 唔通要再出去找皮膚專科睇?

家庭:
自己做埋工人o個份, 都慣lu, 經常為"找鐘點"念頭來來回回, 想請又怕煩....唉!
公主學業暫時ok, 可以應付, 再過2年, 小公主上埋中學, 我應該得閒d.

綜觀: 今年都順利, 除左我家老細比個"驚嚇" (跌斷手) 我, 好在都康復得唔錯, 其它都唔算太差.
老爸暫時都ok. 唔望d 咩, 至緊要各人齊齊整整, 身體健康!

沒有工人的日子~

工人走了已一星期多, 對於我來講, 變化都算大, 始終我用工人的日子不算短.
最近公司工作十分繁重, 放工感覺疲累, 我已經事先找來親戚幫手買菜做飯, 因最後幾天暑假沒有人看顧女兒, 實在未能放心, 因之前工人財仔事件沒完沒了, 於工人離職第二天已收2封財仔信, 好在我親自去入境處遞交通知書, 去電對方都"明白事理", 叫我傳真信件去close file.

至於家務方面, 原來真不少, 開頭小口子都氣勢如虹, 肯做肯聽, 可惜不出數天, 小的已不受指令, 還好大的仲叫做"肯做" (但已有怨言). 我亦開始習慣要做家務, 奈何身體不是我所能控制, 乾有意志是不夠的, 希望做下做下身體會習慣啦!

暫時唯一好處是感覺前所未有的"自由", 但換取呢種自由是要付出代價的, 暫時唔考慮工人住, part time 亦唔想, 試下是否行得通?