Day 4 - 元陽 多依樹 / 壩達梯田 / 龍樹 -- 陽江

呢2日基本都看梯田, 我睇有排都唔駛再睇, 今次好滿足了

早餐, 呢餐又是師傅比錢 (比左我都唔知個隻) , 10元一碗, 大女唔舒服 (尋晚拍我門), 最後原來嘔, 好在我去左隔離房, 唔駛我搞, 唔是仲訓得差.

日出 ............正!

勁, 唔好睇小女人!

呢兩個呀婆向度表演編織, 又真是幾得意架, 你舉機映佢佢唔會出聲, 映完先行埋來問你錢

磨菇屋

笑容天真可愛, 映完一句: 呀姨, 給我錢! 其實我知道的, 索性映多幾張, 要佢地排好隊我才逐個比.

多依樹梯田

呢度賣雞旦, 2元一隻, 可拍照. 拍完要買, 我仲帶備糖果給這些小朋友. 好可愛!

稀罕的油菜花

壩達梯田, 全元陽最大的, 可惜時間剛好是大背光, 陽光又猛, 我冇心機睇, 逗留一陣走了.

lunch!

走lu, 元陽, 離開時大概17:00 與師傅商量過不走建水條路, 車程短但路不好走, 又塞車, 師傅決定有元江公路 (好新, 地圖都沒有的), 但時間一樣長, 去到元江快要21:00, 中途更行雷閃電下大雨, 有d 驚, 好在都冇事.
元江: 氣溫足有30度, 呢晚要開冷氣訓
住: 好平. 但唔記得幾多十元. 師傅自己找地方
食: 呢餐唔過100.

趕路途中一攝

Day 5 -- 元江 --> 東川紅土地

寫到呢度, 開始唔多記得 記性真差
沿路好多水果賣



今日的午餐, 兩籠包點要12元, 包ok, 餃好難食.

見到紅土地了, 可惜不是最好時間, 顏色不是很豐富, 但有鋪到塑料袋, 層次都好鮮明, 綠色的是麥田, 由於風大, 形成麥浪, 現場睇好得意.
東川這片地是沒有收取門票的, 我估是傾唔掂數, 大陸好少景點是免費的. 但某些位置村民會私自收費, 你不進去(有利位置)便不用付費.

影子遊戲

門前畫都好有特色

晚餐

這個酒店是新開的, 100元/晚, 房很大, 值!

山上晝夜溫差大, 夜晚很涼, 這晚天色很好, 看到滿天星星, 很興奮.
明天再遊埋東川幾個景點就走lu, 回昆明住,  旅程亦接近尾聲, 人亦開始有點累.
每天坐車不少於幾個鐘, 路程顛簸, 有點支持不住, 不過可能到下一次出發又已將辛苦忘記,
被迷人風景吸引住

Day 5 finished zzzzZZZZZZZ

Day 6 & 7 東川紅土地 -- 昆明 -- 香港

早上仍繼續遊覽東川, 對景色開始生厭, 感覺看來看去都大同小異, 加上風大, 又晒, 有些景點都沒有下車, 遊到咁上下, 要走lu, 友人想去埋轎子雪山, 我極力反對, 因根本不夠時間, 唔想太辛苦了.

起程預備回昆明, 中途在東川吃飯, 天氣很悶焗, 食完又要趕車, 真有點體力不繼, 坐車都吃力, 只想快點回昆明市, 到差不多到昆明高速, 驚險事發生, 突然聽到"叮叮"聲, 原來後窗門無故有粒螺絲飛脫, 窗門差點要掉下來 (名副其實掉掉fing ), 幸好我與女兒手快執住, 否則玻璃肯定報銷 (師傅唔見錢), 由於事迫沒有拍下照片可惜. 師傅臨急拆另一粒補上, 到昆明師傅好快搞好.  抵昆明市, 都已接近7:00, 真誇張, 先找wallmart 買手信, 這里最花錢, 一共買了400多人仔, 買完再找之前網購的酒店, 朋友好醒 299團購價, 雙層(有2個洗手間), 地方很充裕, 是空調不夠有點焗. 晚餐要去哪間老滇店食雲南米線, 時間太晚賣剩3碗 (都殺), 根本不願接單, 唉! 中國人心態 (阻住佢收工), 未食完已在旁邊洒漂水洗地 味道是可以, 但下次都是咪搞我! 早上還可以去圓通公園(門票15元值得行下), 路經翠湖, 海鷗全走了~ (都好, 回來原來H7N9咁勁, 好在冇掂禽鳥). 公園內唯一一株櫻花未謝 同師傅分手的時候到了 , 人真是不錯, 值得推一把 (李師傅: 13330578356) 中午出發去機場, 在機場食過簡單午餐就上機了. 回程港龍我幫呀女order 的兒童餐 我的都不錯 又唔知幾時可以再一家起行.  行程完滿~  

2013年3月8日覆診

又到覆診大日子, 今日居然比我遇上鍾醫生, 好耐冇比佢睇我, 開門見山, 很親切呢!
講番個病, 指數都穩定, 但ANTI-DNA 133, 佢解釋轉左化驗個KIT, 數字是會比以前高卦~ 話睇來兩次先作準. 其它無問題, 唯獨是小腿牛牛都屬嚴重, 問我仲加唔加藥? 將個決定交比我, 講明有咩風險 (肝纖維化, 肺纖維化...) 我話我情願睇多一排先, 佢同意. 11 週後見. (好耐未試過咁長覆診期, 佢話若加藥先加番密d)

我話可否曬下太陽, (是因為有時出街好難避免, 尤其去玩), 佢意思, 去峇里島一定唔贊成, 總知自己要注意. 佢風趣話: 晒到黑mung mung 又有咩好?  但去玩有時又唔多唔少會接觸到麻.

但言談中, 醫生話我地呢類病人患癌機會比一般人高
因為食咁多藥, 同埋身體經常處於發炎狀態.
我問佢是咪易有皮膚癌, 佢答是"血".....唉都冇得揀架啦
呢d 叫: 食又死唔食又食死 , 點諗得咁多
好在呀Q d 諗, 我後生時有買保險, 死左都有渣拿!!

下次覆診要5月尾lu~

2013年2月28日皮膚科覆診

尋日是6周覆診, 其實最近皮膚是好左, 紅印減退得唔錯, 唯獨小腿仲是"嚇死人", 希望可以一路進步, 唔知今個夏天可否穿回短袖衫呢??

下次終於可延長8週見醫生......

下面是最近買的用品, 用來查身加洗頭, 都是網友介紹, 希望幫到d 啦

椰子油: 130幾元 , 好香, 好潤
洗頭水: 40幾2支 未用

2012年11月9日覆診

今次是6週後覆診, 一共抽過3次血, 因轉用mtx, 要看清楚血的情況.
今日一把熟悉的聲音叫我入七號房, 原來久違的莫醫生回來了, 真是耐, 我估有1年多, 聽講佢去左英國.
寒暄幾句, 轉入直路問我病情, 當然佢唔會記得咁多架啦, 我咪一五一十講佢知, 佢都好關心我, 話唔駛怕, 始終會有藥醫, 仲話第時若HKU 搞d 咩研究我可以參加.
...ok, 講番自己先, 皮膚在好轉中, 但背部仍然未得, 由而家的4粒加到6粒, 佢有問我食左有冇唔舒服, 我話大致都冇問題, 咁情願控制得好才減番藥. 上次照左隻腳都冇事, 唔駛擔心. 其它功能都冇問題, 可以繼續食藥, 8週後再覆診.

藥膏份量我都開始減少, 有時懶, 日頭冇查, 即代表皮膚真是冇早前咁壞

下次覆診期已是2013年lu, 出年見~