Day 4 Part 3 烏蘇里淺灘 ~~ 北紅村 ~~ 宿北極村

行完黑龍江第一灣, 好甘, 但看過照片都好值得一去, 跟住又開車去名符其實的中國最北, 看地圖是烏蘇里淺灘, 其實真是一個灘, 但是中國最北咯! 剛好下車行落去, 見到好耐冇在香港見到的彩虹, 仲要是打孖來, 久久不散, 我地左映右映加埋大合照, 都仲未消散. 幾靚架, 全團人都好興奮, 成個灘得我地咋!!

睇完呢度又開車去一條比較舊的村落, 順便借下個厕所, 有個婆婆好熱情, 仲話我地咁遠來呢度做乜鬼, 好原始, 見到d屋好似用泥起咁 但要坐咁耐車....都幾辛苦.

走時都差唔多日落, 好耐冇見過咁靚的咸蛋, 向香港真是冇咁好心情欣賞.

回程時, 太夜了, 在森林坐左好耐車, 冇野睇, 但有時有d野兔仔走出來, 追住d燈光走, 幾得意. 肯定呢條路人跡罕至, 唔是兔仔點會走出來丫, 想死咩
師傅好累了, 由朝早開車到現在, 講緊是夜晚10點, 仲要趕車出番漠河, 我地到達漠河是10點多, 幾驚冇飯食, 都好在去到仲有店營業, 呢餐飯好趕, 人又勀, 所以冇映相, 食完就走. 仲要坐車趕去北極村, 入到村口是12時幾....嘩!
沿路好想睇星星, 可惜一路個天都唔黑, 帶點灰, 睇星星夢碎了.
終於到達北極村, 佢地仲話要3時出去睇日出, 唔好搞我, 我大教訓.....

Day 4 圖強 非常規景點 - 黑龍江第一灣 Part 2

其實今次旅行都知道是看自然風光為主, 好在風景真是唔錯架, 見到我估香港已經唔太多的蝴蝶. (數量多到....可惜得好少品種, 顏色唔夠出)
呢條路一路都有好多呢d蝴蝶, 佢地就咁向路2邊, 應該是下雨後, d蝴蝶飛落來吸食礦物. 仲有是唔會點飛起, 都唔驚人 (唔知是咪少見人呢!)

沿路一個景點, 可能冇名堂架, 見幾靚又拍低.
e

睇唔睇到朵野花上面佈滿小動物呀!

天色好得意, 一邊好黑, 但另一角又會透光.

今日路程多, 我地就向呢個黑龍江邊解決我地個午餐, 大家都是食乾糧, 因為冇熱水, d熱水壺用來開晒咖啡, 師傅自己都是食泡面同腸仔咋. 我地仲有今朝一人一隻的茶葉蛋做送. (之後仲比團友話有冇搞錯, 咁貴都冇得食.....)

食完補充體力後, 原來真是要爬山....唔是行咁簡單...下面張相已經叫好 (呢度我是落緊山, 由於山坡太峭, 我要調頭行, 咁會易落d) 有一段是冇木梯 (唔可以太用力捉住條梯, 因為d木有木刺, 我比佢吉親 , 好鬼痛), 全部是泥, d蚊仲好大隻, 嚇c人, 好在冇落雨咋, 唔是實行唔到....不過可惜, 去到大半, 我心跳得好快, 又熱, 唔想硬谷, 始終仲有一段行程, 於是唯有在半山等佢地....我叫佢地映多d靚相....

其實佢地上到去睇到呢個景, 真是會覺得好值, 陽光又唔算太猛....交到差卦!

呢d唔是花來架, 是新鮮松果, 我覺得好靚, 不過我lo影完就順便折埋拎番香港, 可惜而家已枯左.

~~ 待續 ~~

Day 4 漠河 --> 圖強景點 + 非常規景點 (九曲十八灣) Part 1

今朝7:00起床, 叫左師傅7:30來到, 果然準時, 我地出去出面食早餐, 茶葉蛋一元一隻, 菜飽5毛, 肉飽1元/個, 雲吞3元/碗, 豆槳1元, 好好味...全部都是食左33元.

跟住就開車先去影番漠河個招牌景先.

第一景點, 但中途加插了圖強林業局 (平日不對外開放, 咁o岩呢日有官員到訪, 師傅叫我地跟住入去, 咁又過到骨喎 ),

呢d全部是標本來架, 介紹當地林業情況等等, 仲有當年大火燒剩的物件, 電視機, 鐵釘熔在一起, 呢場火真是好慘, 燒足20幾日. 到最後去埋5.6火災紀念館了解更多, 林業是當地經濟命脈.

呢個是其中一個好出名的景點, 可惜夏天冇咩顏色, 秋天會多少少, 仲靚 --> 九曲十八灣, 仲有個觀景台拆左, 起緊一個更高, 到時取景角度更好. (呢度是師傅好努力咁行上對面我地又行上去先影到咋:) )

呢條是當年救左2萬多人的河, 好似叫呀古納河, 又叫母親的河

沿途野花:

仲有其實一入左森林呢邊d空氣真是好清爽, 唔同向都市呼吸個d, 總知好正啦.
~~ 待續 ~~

Day 3 哈爾濱 --> 漠河

尋晚半夜同今日都基本在火車上渡過, 很久沒坐火車了, 現在的車廂起以前好多了, 無論設備及乾淨程度, 買硬卧絕對是理想的決定. 不過這個晚上睡得不太穩, 無法啦, 火車就是這樣. 雖然話時間長, 但我很愛聊, 走到旁邊的一對夫婦, 男的是黑龍江人, 女的是南京人, 他們在塔河下車, 大家談談東, 聊聊西, 時間就可以這樣過的, 累了又可以小睡片刻, 或坐下看看外面的風光.....好忙架都 !
硬卧

有時間又可以到站時下車拍拍照, 有些站停的時間很短, 都幾趕下~~

沿途風光

下車後, 有人接站, 當晚住的漠河旅店, 是師傅代訂, 50元/床位, 已經是貴的, 自己訂應30元一位能訂到.

漠河一角

水果種類多

晚餐, 算很豐富, 這頓飯才135元, 我覺得很值, 味道也好. 這碗面條5元.

醬骨架 42元, 一般

西瓜在市場買的, 好似是30元, 算貴呀, 要8元/斤, 但很新鮮, 很脆!

食完飯, 到旁邊淋浴, 收5元/位, 可能因為關門關係, 水不太大, 搞掂都11時, 又夠鐘上床zzzzzZZZZZZZZZZZ
Day 3 finish
包車師傅資料:  婁雨
用後感: 挺有人情味的小伙子, 駕車經驗豐富, 還保留東北人的一份熱情,  小子拼搏態度我有點欣賞. 詳情後載.
website: http://hi.baidu.com/mohe%5Flouyu

Day 2 哈爾濱

今朝向酒店食自助早餐, 是房價包埋, 冇咩特別 (所以冇映相)....9時半, 出發去第一站虎林園, 門票65元, 團體票價55元/張, 今日陽光充沛, 風很大, 但不太熱, 都好舒服.

先車遊, 全車冇人肯另比錢喂虎, d虎懶洋洋, 可能都食飽lu ! 再有一邊是行人區, 可以觀賞老虎, 毛色真的很美.
跟住去左導遊帶的東北特產店, 什麼都沒買, 出來他們有d黑面 (因為賺唔到回佣) , 再去左淞花江一帶, 斯大林公園, 防洪紀念塔, 聖索菲亞指定旅遊景點. 今日因為是星期日, 遊人很多, 很熱鬧呢!
聖索菲亞教堂

行晒以上景點都2點, 好肚餓, 原本叫導遊帶我地去食東方餃子王, 但唔知點解, 佢地唔肯, 帶左我地去第2度食, 價錢當然貴, 但地方算唔錯, 我估呢度佢地好泊車, 應該賺唔到我地餐費了. 這頓飯食左280元, 平均消費40元, 都幾貴架!

食完飯繼續遊龍塔及果弋里大街, 原本想去埋秋林買紅腸, 但司機唔肯去 , 因為個邊好塞車, 不過好在咋, 咁早買定返來實臭晒
但都比佢帶埋俄羅斯商品店買野, 叫當做入場費, 都唔是賺我地好多, 算啦, 起碼多番d笑容.
呀列科耶夫教堂

行足一日, 其實好勊, 加上食完個lunch 都接近3點, 我地一早預左今晚唔想又比佢昆去食dinner, 果然, 真是想sale 我地去食俄菜, 我一句推埋去話西菜唔o岩我地老人家 , 佢盡力咁, 仲要兜到我地經過劇院門口, 可惜我地不為所動, 去埋沃爾馬入貨後, 向旁邊 KFC 食左少少野就準備上火車....佢地都奈我地唔何! , 在vip 休息室坐足一個鐘, 就上車了. 出發去漠河.
DAY 2 finish
講真, 個導遊都好專業, 旅遊點知識很豐富, 但就是太滑頭了, 連老昌春餅都唔帶我地去試 , 一些成熟的旅遊點就是有這些"毛病"免費送比遊客的.