8月番禺4天行 ~~ day 1

趁著暑假未完, 咪拎番2日假同d女玩下咁. 今次行程主要是飲飲食食, 天氣比想像中晒同熱. 想行街都冇去lu~
第一日我地book 左枱去出名的四海一家自助餐,
評語: 上次來好有新鮮感, 食物還可以, 但今次比上次差, 人太多, 位子又坐得唔方便;
結論: 唔會再來
我地專登包車去食, 計埋過仟元有多, 講真, 呢個價錢向番禺可以食得好豪. 映幾張相同大家分享下:
門口位置: 大人收人仔148, 小朋友78元

地方真是好大, 行2轉唔想再行

呢個是限每位人客酥皮魚翅, 小朋友仲唔包~~

d生蠔其實幾甜, 但隔離個位是咁嚇我, 驚我唔受, 我淨是食左一隻咁大把. 好在無樹!

本地一日遊 - 挪亞方舟

尋晚仍然掛著8號風球, 諗住今日一定不能如期出發, 尋晚做harry potter我仲好夜先訓, 點知一早起身...eeeeee 3號風球, 真是好急咁叫呀女起身, 至好笑老豆以為有佢份, 起埋身換衫...我R晒頭話''咪同你講左得我同呀女咯'', 佢又上床訓番

今日天氣算不賴, 沒有想像中的大雨, 落車更有時停雨....今日第一站香薰園, 都是指定動作, 做爉燭, 喂魚, 喂羊, 呀女至鐘意

中午去到流浮山食飯, 冇咩驚喜, 但都叫有蝦有包魚, 名副其實海鮮餐

下午重頭戲, 登....登....登....登....挪亞方舟公園.

可惜前後得2個鐘, 時間緊迫, 有機會下次可以再來, 不過聽講票不好買, 同埋都幾貴下.....以環保作主題!

方舟模型

今日好在唔晒咋, 唔是真是熱到熔左..... 我都幾enjoy 跟社區中心去親子旅遊, 唔駛自己搞交通, 點到點, 又近屋企.

呀女又話想去宿營, 睇下有冇位啦, 報到名就同佢去!

Day 8 哈爾濱～～香港

尋日坐的士時，個的士佬問我明天要否車出機場，１２０元部，２部２４０元，留低左電話要就call 佢．不過向酒店問到一部大車２４０元出機場，　冇再同佢講價（旅行社quote 過我３００元）．算啦，２４０元都唔是貴．約左車來１１：００．費事坐車找大巴．
咁一早起身食完野又出去買過，作最後衝刺．但天色麻麻地，下大雨．

向酒店臨出車仲有一場”落雹”不過好細粒，當我叫團友出去睇時，場雹就停左ｌｕ!

今次好早到機場（怕又趕唔到飛機），向機場遊蕩，但機場ｄ野好貴，買唔落手．班機又delay 返到深圳都７時左右．我地坐番中巴去羅湖個邊過關．就咁好愉快結束左呢個假期ｌｕ．好在仲有一日星期日休息，旅行是一件疲累的事，但又會好輕鬆開心呢!
總括：
１）今次旅行，加強左我下次自助遊的信心．
２）今次首２日在哈爾濱跟左地接團，亦加強我以後出外不用導遊的決心．，　再用都要講明條款，唔好唔寫低．
３）多謝各位團友的支持同配合．能夠順利完成今次旅程．
４）多謝blog 友花蝴蝶的幫助，佢比左ｄ料我好有用．
５）漠河是一處旅遊發展未算成熟的旅遊點，想體會自然風光同唔好比人是咁當水魚，呢處仲是一度可以考慮的旅行點．要去趁快．
６）若時間充裕，呢條線可串多一個旅遊點（加格達奇或齊齊哈爾或五大連池），我怕辛苦，所以冇咁貪心．玩得輕鬆自在一點．
７）理想是一程火車一程飛機，咁樣可以慳番ｄ時間，但旅費又會貴ｄ咯．
８）全程費用８天共用了５０００鬆ｄ港元，都幾抵玩丫!

Day 7 漠河 ~~ 哈爾濱

早上仍在火車上, 今早幫襯下個餐卡, 15元一位早餐, 都幾好味喎 又幾豐富!

火車途經過齊齊哈爾, 今次去唔到都落去映番張招牌

下午班車準時到達火車站, 一下車便有d 黑車司機問我地去邊, 我話去番中央大街, 問佢幾錢, 2部車要80元 . 嘩, 真是當我地水魚, 我地去排隊坐的士, 每部都是10元雞. 到番之前間龍達假日酒店 (220元/晚包早), 我經旅行社訂, 算啦, 勝在住過地點又好.
去到酒店第一時間沖番個靚涼. 再出去行街, 第一站: 秋林買紅腸, 個邊真是好塞車, 幾經辛苦, 到了. 司機叔叔好好人, 教我地一定要買有人排隊個檔, 哈, 可惜冇拍照....但食過紅腸, 都是好一般啫, 反而隻瘦身臘腸幾好味
跟住返去中央大街, 今日是星期五, 都好多人行街, 原來中央大街d燈是星期六日先開, 今日冇開架, 好在第一晚到時有睇到, 唔是就又睇少d野lu!
到呢邊都快6點, 原本想去露西亞, 最終去左波特曼一試俄菜, 來到呢度點都要試下,
舉機映餐牌, 即時有人埋來叫停, 算啦, 可能是商業秘密. 原本想映下餐廳景緻, 都冇lu!

紅菜湯, ok啦，最前個是悶炆羊肉, 我覺得是最好味! 後面西炒飯, 叫茄汁炒飯o岩d.

呢個蠔我冇食, 佢地話味道一般, 好似要20元一隻

呢個火焰牛柳, 普通, 要80元

呢餐食左５００幾元，每人要７０零元．不過有段小插曲是比人話我有一張是假幣，我同個經理嘈，話你又冇當面點明，你鐘意點換都得啦．估唔到同人鬧交ｄ普通話可以咁流俐，不過旅客至衿貴是時間，冇再爭論就同佢換張算數．（最後發現張銀紙都是真野，不過我估佢見個number 是HD佢就拒收啫!)
食完再去俄羅斯商品店搜購，大家都買得好開心，記得要講價.
就咁又過了一日ｌｕ，行程又去到尾聲!
Day 7 finish

Day 6 北極村回漠河景點

白樺林~~飛來松~~李金庸祠堂~~胭脂溝~~妓女墳~~漠河~~廣場~~松苑公園~~五六火災紀念館~~北陲市場~~火車回哈爾濱
美人松

沿途一角

十窮, 幾有意思, 供分享:

十窮背面是十富:

只見羊群, 唔見有"羊郎"

妓女墳 (真是有棺木同墳頭), 無意拍照, 以示對已去者的一點尊重, 走完一圈我想有1500米, 好稀虛!

五六火災紀念館, 對事件始末加深認識, 要做好護林防火的工作. 皆因靠山食山....

漠河縣主要大道, 當年大火已這個縣城摧毀得一乾2凈, 要用上2年時間才能重建起來.

漠河金馬飯店 (4星), 旁邊起緊一間五星.

由於午餐時間太晏先食, 是日晚餐又是冇食, 就咁上火車, 在火車上只吃一點乾糧就訓覺, 所以話呢個旅行團好多時一日得一餐正餐食就是咁解
Day 6 finish~~

Day 5 北極村 (下)

下午天氣較差, 常下著雨, 但行路不會太熱, 至o岩我
呢度是北極廣場,

香港的位置

沿途一景:

金雞之冠4字, 不是油的, 是用紅瑪瑙镶坎而成, 呢4個字全貌要遊船先睇到, 但坐船 (9人船)要2100元, 我覺得貴, 結果冇去到黑龍江源頭.

我身形都算標準:)

最北厕所, 都幾乾淨, 仲起緊另一個新厕所!

整天行程走完都要到6點幾, 又返去李大媽處吃飯, 向北極村除第一餐早餐外, 基本其它都在她那里解決, 東北菜作得偏咸, 要同佢地預先講好少放鹽, 我們才吃得慣, 勝在樣樣新鮮, 今晚點了一個飛龍湯 (不外如是), 一些水冷魚, 普通啦, 又是盛惠300幾元. 食完飯原打算回去休息作罷, 路經廣場, 原來今晚又有一個慶祝夏至活動 (都算好彩)  睇下表演, 聽下唱歌, 今日行程完了~~