清明上河圖

好想帶兩位公主去見識下, 一早留意新聞, 第一日開售就去排隊, 人不算太多, 不過都排左一個鐘架, 我一共買左20張 (每人限買咁多), 反正都排, 咪call 下親朋邊d需要咯.
去唔到世博, 去亞博(亞洲博覽館) 補番數 .

智慧的長河：電子動態版《清明上河圖》 展覽及博覽館開放日將於2010年11 月9-29日假亞洲國際博覽館舉行，活動詳情如下：

日期：2010年11月9-29日
時間：上午10時至晚上9時 (每節參觀時間為1小時)
地點：7號及9號展館
票價：港幣$10
訂票熱線：2010年10月19日開始在全港41個城市電腦售票網發售。觀眾亦可致電售票熱線(852) 2111 5999 / (852) 2734 9009，或於網上訂票www.urbtix.hk
活動網頁：http://www.qingmingriverside.hk
主辦機構：上海世博會事務協調局
康樂及文化事務署
電話：(852) 2732 3294
性質：公眾展覽

海洋公園

距離上次去海洋公園都有兩年起碼, 話說朋友送我一張9月份免費小童票, 我就再用600幾元買左3張大人票, 揀左今日去玩, 雖然天色麻麻, 但對我見光死的人來說未嘗不是好事, 今日一早出發, 未到10點就入園, 好順利, 冇咩人, 先玩平時唔會排隊的BUNGY JUMP (因為好長龍)
第一次坐海洋列車上山, 好快喎又.....
一去就是睇熊貓, 又睇埋小熊貓
個館冇咩人, 好C 服!

小熊貓都好CUTE, 有兩隻

呀女玩左兩次越礦飛車, 2次滑浪飛船 (我已經過左呢愛玩刺激野的年紀, 我一次都冇玩!) 跟住3次海盜船, 一次過山車, 我唯一有玩的是飛天秋千同轉木馬~~
不過跟住好大雨, 唯有入餐廳食野休息, 順便避雨回氣, 好勊呀!
過山車, 老豆都冇勇氣玩~~

下車坐番吊車, 好涼爽!

可能樂園D野食是咁貴, 普通小食亭, 一支汽水要22元, 一支水要16元, 真是搶錢.
仲有去左睇海洋館, 好似旺角咁多人 .  又去左尋魚館, 都冇咩太特別.
其它都是平日會去的威威(睇海獅), 但可惜太大雨, 雀鳥SHOW 取消, 只可以拍照.

由5:00開始, 雨就沒有停過, 我地逛逛下都準備走lu, 好在有帶備雨衣, 但其實都一樣濕晒, 就咁又過左一日假期, 唔知下次會幾時再去呢, 呢d樂園, 幾年一轉好lu, 行死人呀!!

8月8日1天遊

今日天氣很好, 幸好昨晚下了一場大雨, 否則今日肯定熱到頂唔順. 基本上今天行程唔算特別, 叫做陪下小公主去玩下咁. 但綜觀整天行程, 我見佢至enjoy 都是打鞦韆~~

小朋友好簡單, 有野玩就開心, 唔一定要是豐富物質的!
先去菇類養殖場. 白色的叫日本白本菇, 但食落冇咩菇味, 隔離是靈芝.

香薰園一角....茄子 (原來可落盆種)

呢個是睡蓮

新界一天遊

今日是五一勞動節，是時候勞動一下，公眾假期好ｄ，　小朋友平日星期日都有活動，一天遊真係唔容易約到的．今日可以了．．．
首先，去左大帽山腳川龍飲茶，環境很普通（可以話是惡劣），但我是第一次去，是爆晒棚，要等位，等食．
唯一可以話是．．．ｄ茶算有茶味，　其它真是唔知點讚得落．
比兩張相大家睇下：

呢餐茶盛惠310元，算平!

後面種滿晒西洋菜，可以 20元一袋拎返屋企，不過我冇買!
再去左元朗買生果，真是好平（冇映相）．

我地去埋尖鼻咀睇到后海灣景色，我咁大個女第一次去．
流浮山食海鮮：出面食野真是唔平．．．都唔算特別出息．．．但一樣人山人海，　爭餐飽．

總括來講，算幾好玩!

湖南湘西湘中6天遊 （day 4) ~~ 食

呢D都是今次我食過的菜, 辣味夠, 都好味架!

呢餐是回到長沙間酒店晚餐, 不過呢餐是10:00先有得食呢....坐車坐到傻左....唉!

湖南湘西湘中6天遊 （day 3)

遊完鳳凰，又要用番半日時間再出番長沙, 向長沙訓左一晚, 第二朝又要向湘西出發, 今次行程主要是梅山龍宮 (容洞) 同埋紫鵲界梯田
呢個行程至大特色是車程長, 每次起碼4個鐘;

呢個熔洞好大, 行左個幾鐘, 又分幾層, 至低層是坐船遊, 都值得一看, 是辛苦D, 行到我身水身汗!

玩完呢度, 再坐車入去紫鵲界, 入到去已摸黑, 以為可以逃票, 原來咁夜仲有人把關架>-<
早上天色唔好, 但都OK 啦~~

呢個是油菜花...炒起上來好好食~~

湖南湘西湘中6天遊 (day 2)

Day 2 鳳凰古城

一落火車, 就有導 遊 小姐來接, 先去享用一個簡單早餐 (食到一半至記得映相)

 又展開我地行程, 但我地只不過是由火車轉坐旅遊巴, 仲要坐5個鐘至到第一個目的地 -- 鳳凰古城

中途午餐門外的小販賣芒果 (10元有5個)都好甜.

午餐部份送菜, 冇映晒, 因為掛住食, 味道已遷就左, 盡量唔放辣.

去到的景觀, 感覺一般, 但真是人山人海, 始終是假期, 同埋已開發左的旅遊區, 天氣算冷, 我要帶上冷帽, 圍巾. 灰濛濛的. 但挺熱鬧

唔知咩花, 但開得好靚, 是向樹上的.

鳳凰一角

我地買左通票, 行鳳凰九景, 第一個景點是沱江泛舟. 算寫意, 撐船人唱唱山歌, 有意思.
原本吃過晚飯後, 打算再去玩夜市, 但小公主一句話好累, 我唯有留低陪佢, 無出到去玩, 始終坐左一日車, 是勊d, 由得佢地自己出去玩. 呢晚真是幾凍, 向鳳凰是整個行程景區至凍的.

呢d夜景唔是我映, 是大公主代勞.