2013年2月28日皮膚科覆診

尋日是6周覆診, 其實最近皮膚是好左, 紅印減退得唔錯, 唯獨小腿仲是"嚇死人", 希望可以一路進步, 唔知今個夏天可否穿回短袖衫呢??

下次終於可延長8週見醫生......

下面是最近買的用品, 用來查身加洗頭, 都是網友介紹, 希望幫到d 啦

椰子油: 130幾元 , 好香, 好潤
洗頭水: 40幾2支 未用

2012年11月9日覆診

今次是6週後覆診, 一共抽過3次血, 因轉用mtx, 要看清楚血的情況.
今日一把熟悉的聲音叫我入七號房, 原來久違的莫醫生回來了, 真是耐, 我估有1年多, 聽講佢去左英國.
寒暄幾句, 轉入直路問我病情, 當然佢唔會記得咁多架啦, 我咪一五一十講佢知, 佢都好關心我, 話唔駛怕, 始終會有藥醫, 仲話第時若HKU 搞d 咩研究我可以參加.
...ok, 講番自己先, 皮膚在好轉中, 但背部仍然未得, 由而家的4粒加到6粒, 佢有問我食左有冇唔舒服, 我話大致都冇問題, 咁情願控制得好才減番藥. 上次照左隻腳都冇事, 唔駛擔心. 其它功能都冇問題, 可以繼續食藥, 8週後再覆診.

藥膏份量我都開始減少, 有時懶, 日頭冇查, 即代表皮膚真是冇早前咁壞

下次覆診期已是2013年lu, 出年見~

10月20日再接再厲

今日又是行山日, 地點亦是香港仔水塘. 但今次所走路線不同, 沒有入水塘, 改為入灣仔峽.


沿路好舒服

風景不錯

結果用左2小時半由香港仔行出灣仔, 仲見到呀女以前幼稚園地點已改為起樓.



時間不留人, 好多東西在變!

10月2日大潭郊遊樂

好耐冇行山, 趁假期約到幾個朋友, 目的地大潭, 呢d 天氣好, 少少曬, 但唔算熱. 一班人飲完茶約1:30出發.  一個好好的家庭活動:

坐6x 巴士上到黃泥涌油站行上去, 原來巴士有分段收費, 真是唔知, 好在冇蝕到!
呢度是出發點:

你地有冇扒過艇仔?

今次好勁, 原本冇plan 行咁遠, 結果我地是行到上埋大風坳再落則魚涌...我覺得自己好叻

大潭風光, 真是唔錯

你地見到咩?...........................................................蜘蛛 (沿路見到都多)
\

這里是之前沒有預計的~ 都來到


結果, 下午茶變左下面的晚飯:


後記: 小腿痛左2日....但值得
這星期再接再勵, 地點另定. 行短d

2012年9月28日覆診

今日到覆診日, 因為要轉藥, 亦都想比我家老細知道我最近病況, 特意叫佢抽時間來陪我. 好在佢又得閒.
今日首先要去做肺功能測試 (吹波波咁), 以前未做過, 由姑娘指引下, 順利完成, 帶住report 去見醫生.

今日都算lucky, 見到Dr. Au, 都是一直跟開我的醫生, 佢解釋得好詳盡, 講到我可以轉用MTX , 肝肺功能合格冇問題.
藥量慢慢加, 由最初5MG 先, 加到7.5 最後是10, 若10MG 能穩定病情, 就唔洗再加, 因為一般用10-15MG 做為maintenance.
每2星期抽一次血, 直到6星期覆診, 即是要抽2次血先返去見醫生.
原來d 腰骨痛都好可能是牛皮癬影響, 我以為是自身勞損添, 原本有關節炎藥可以幫到架, 但副作用又是傷腎, 醫生唔想快開比我, 結果開左一大包panadol 叫我食, 止下痛好過咁辛苦喎!

另我投訴左腳近埋出現腳腫, 佢又安排我照ultrasound 看看血管情況 (因牛皮癬嚴重), 政府服務真不錯, 可能我地呢科是麻煩, 真是"有求必應", 都唔知好定唔好.

mtx 是一星期食一次藥, 所以藥效完全反映要6-8星期. 希望能幫我用少d 藥膏. (我目標是唔駛查藥膏, 可以著番短袖衫 )

其它狼瘡指數不錯, 是發炎指數高 (應該是皮膚同關節發炎影響).

好在份工都容易話為, 出出入入老細都體諒!

下次6星期後見~

台中day 3 6 April 2012

尋日玩完青青草原, 今日又要搬家lu, 一早約左包車司機, 原本訂的是6人的士廖司機, 4,000元一日, 玩埔埋, 集集, 車呈火車站.
但司機臨時來電, 佢唔得閒, 又話怕我地迫, 比左架9人車我, 價錢不變 (咁又好喎), 不過司機哥哥是新出來做, 以前做開遊巴司機, 我會略嫌佢經驗吾夠 (我都跟過唔少包車, 有這感覺), 但基本都不過不失o既.

早餐在民宿搞掂, 約10時先出發, 我見d人用6人的士, 將d 行李綁在車頂 (至衰唔記得映相), 當時下著雨, 用d 垃圾袋入好, 但我會覺得唔放心, 行行下掉一件落來咪c伙.

埔埋酒廠, 至好是免門票
其實台灣好多地方唔要門票, 唔似大6, 映張相都收錢
向呢度試隻肉腸(好似臘腸咁)幾好味, 佢地會配埋生蒜一齊食, 又真是不錯, 我都有買番hk 食呀!

跟住去左摘士多啤梨 (好在撞到個網友, 得佢提點), 臨時加插景點.




集集火車站, 班細路玩火車軌都玩一大餐, 又幾好喎!

見到枇杷, 又忍唔住下車買, 但都唔平, 一袋仔要幾十元港紙, 味道ok

集集火車站, 仲有火車班次架, 但主要以觀光車為主

玩完集集, 再去車埕, 逗留時間唔算長, 同埋我覺得集集好玩d :)

差不多6:00回程到日月潭, 住宿....c 伙....原來book 左間有"休息"的酒店...不過算啦, 都是訓一晚, 我都見有一家大細入住. 來到呢晚, 嘩, 落狗屎, 未停過...

包車司機仲主動問明天要否包車, 收我平d 咁話, 但朋友話, 南投公車站就在對面, 實在太方便, 結果, 沒有包車lu, 坐大巴, 是平o既, 但去到台中火車站結果有些少波折, 未算好麻煩o既, 下回分解, day 3 finish.

鳴謝: 呢d 相全部唔是我映, 是出自朋友手筆
我唔識映相架!

台中 Day 2 5 April 2012

一早起身, 出去找早餐食, 尋晚已找到一間心水, 食豆槳, 次飯, 呢種
食完就出發lu .....目的地, 清境農場,

早餐: 220元


可惜, 天氣不好, 沒有天朗氣清, 帶著霧水更添幾分冷, 應該只有15度.

好出名的老英格蘭, 我地住的民宿正在對面, 清境峰情
放好行李就出發上農場玩lu, 是民宿車我地上去~



從照片都見到好大霧水, 但羊群處處, 呀女都玩得好開心
只不過不敵天氣, 玩完青青草原, 就行到去國民賓館下的紙箱王食野
仲有小瑞士花園門卷送, 得2張, 留番比朋友入去
我就同公主們去寫明信片, 都好好玩
到處都有紀念印章供遊人蓋章, 小玩意有趣


羊仔好cute
見到映婚紗相

小瑞士花園, 好細, 要比錢入場就無謂
呢晚晚餐無咩點食, 因為有口角發生>-<

民宿: 清境峰情, 原本訂6人房 (3840元), 不過訂時已full, 但好在, 老板比樓中樓我  (12人), 變相upgrade, 我覺得呢一晚是咁多日至好玩至舒服的.
好好訓, 仲有暖氈.



Day 2 finish