Day 1 - 深圳 --> 昆明 --> 羅平 (part 1)

今朝早機, 5點幾起身, 好累. 賓館有車送我地去機場, 非常好, 因坐夠人即走, 我地都好醒目, 出到機場7:00幾, 唔知關唔關尋晚事, 今日人山人海.

7日的家檔    KFC 早餐


搞好晒, 去kfc 早餐, 8:00 boarding 可能太耐冇坐飛機, 冇預時間安檢. 7:50仲未過到, 有d 驚, 我 C9 仔是咁問人讓比我行先! 好在班機都遲左, 冇晒問題  班機都等到接近9:00 起飛, 直飛昆明長水機場.



飛機上派的餐盒, 個包漲卜卜, 因海拔關係, 向雲南D 餅乾一樣漲卜卜架!


機場是新開的, 都好靚架. 有PAT 姐張相, 一眼認出師傅, 展開七日之旅!


DAY 1 - PART 2 後續! 等等啦老友!

Day 1 - 深圳 --> 昆明 --> 羅平 (part 2)

到達昆明機場, 師傅與我地商量路線, 結果作出改動, 由東川原先是第一站, 改為尾站, 先去羅平, 再去元陽, 最後東川, 基本我冇意見, 只要玩晒計劃地點, 有賺啦!

呢架車不離不棄七天, 都好ok. 坐5個人鬆動, 多個都嫌迫!


今日機場去羅平, 應該不用入昆明市, 但一樣坐足幾粒鐘, 只中途食飯, 呢餐原來師傅作東, 找左數我都唔知, 到比錢時, 老闆娘話: 己付過 $148元, 我如夢初醒, 點塞都塞唔到. 冇計啦, 諗住到尾找數時先一次計.

呢間是車行到邊, 隨意找一間就入左去. 都幾衛生,

開飯啦, 只鴨30元人仔, 好抵食, 但原來豆腐個菜(下圖左邊)都要30元, 真r頭, 問左又話冇計錯數~

有冇看到下面有d 咩特別呀?.....虫出沒! 是試左兩條, 味道冇咩特別  但食淨好多~ 呢碟半份盛惠8元.

羅平沒有油菜花了, 工人忙於收割油菜籽. 淡季有淡季好, 咩都平, 唔駛爭!

呢間房師傅找回來, 好似是70元 (唔多記得), 新裝修過, 都好ok架~

洗手間，呀妹至欣賞個厕所, 唔駛踎厕 (沿路加油站全要踎)

房間沒有wifi, 大堂有, 都好丫.

夜晚個餐經不起師傅盛情, 去左他家作客, 佢親自下廚, 仲好好味.

d 菜有板有眼架!

食完飯, 休息lu

day 1 finished.

Day 2 羅平 --> 九龍瀑布 --> 螺絲田 --> 彌勒

尋晚好好訓, 皆因前一晚訓得差, 要補番覺.
早餐: 面條 $5元一碗, 包好似一元一個 (原本應叫米線, up 左面條 )

食完早餐, 向九龍瀑布出發, 去到門票站, 唔知是咪淡季, 有價講, 收大人半價, 小朋友免票, 平左100幾元, 抵玩, 呢度玩足4粒鐘(原來要下山再上山, 對我來講都ok, 但來緊d 行程都要行, 有些吃不消), 呀女至開心是坐竹筏游瀑布, 全個灣得我地一組人, 駛埋去d 水花仲濕鬼晒, 但佢地好開心喎 (傻人)

起步時天氣灰濛濛, 跟住好些

原來山上有閘口, 早得滯未開閘 (水細), 到晏d開閘時, 水變得多 (等同做假)

整個景區只碰到一團人, 13人包團深圳出發 6天要6千幾, 我覺得我地好抵玩

呢個亭特別之處是整個頂都用膠樽砌成, 特別!

時間不太充份, 放棄多依河冇去, 又要另買門票, 在羅平兜個round 就走了.

螺絲田: 拍不到美景, 太灰

僅餘的油菜花

人們正忙於收割, 我地在旁邊搞搞震!

趕去元陽, 但太夜了, 今晚住在彌勒, 師傅找來平宜房間 60定70, 唔記得左. 但都好平, 仲要去公安廳求証我們可否入住 (因算外賓)...好在, 冇問題!

呢日玩到lunch只吃米線, 晚飯吃火煱雞
師傅辛苦了.

搞掂住宿, 先有飯食, 都快10:00了, 人家都正在食宵夜~
呢餐都是150元搞掂.



day 2 finished~

day 3 - 彌勒 --> 元陽 (老虎咀看日落)

今朝又要趕路 , 中國地大, 每個景點都好長車程, 冇法子.
今朝叫對了早餐, 米線, 5元一碗. (有料架, 三鮮, 向底處)

沿路買到的, 好新鮮, 要30元一公斤, 但真是好味!


又到食晏, 呢度應入左元陽縣, 未上去梯田, 出名東巴牛肉, 40元, 唔好食, 好硬.


日落美景


呢張用朋友比我的色片, 真是靚好多


晚餐


今日睇日落要行落去, 話雖不太遠, 但一連幾日行, 我開始覺得累, 有一下回程上山kick 腳扒低根本無力撐住, 任由跌低. (又加上有些少高反).

住: 冇映相, 師傅找到一間, 冇記錯是60元, 早餐每位10元. 有wifi, 電"煎". 朋友想住陽光客棧, 但去探路, 根本沒可能去到, 拎住太多行李, 第二日見到, 其實位置又未必是想像中咁好, 比觀景台矮.

半夜呀女拍門, 又肚痛, 唉又來一次水肚不服, 我今次有帶醫生開的腸胃炎藥, 頂到下, 直到返港冇事.

day 3 finished.

Day 4 - 元陽 多依樹 / 壩達梯田 / 龍樹 -- 陽江

呢2日基本都看梯田, 我睇有排都唔駛再睇, 今次好滿足了

早餐, 呢餐又是師傅比錢 (比左我都唔知個隻) , 10元一碗, 大女唔舒服 (尋晚拍我門), 最後原來嘔, 好在我去左隔離房, 唔駛我搞, 唔是仲訓得差.

日出 ............正!

勁, 唔好睇小女人!

呢兩個呀婆向度表演編織, 又真是幾得意架, 你舉機映佢佢唔會出聲, 映完先行埋來問你錢

磨菇屋

笑容天真可愛, 映完一句: 呀姨, 給我錢! 其實我知道的, 索性映多幾張, 要佢地排好隊我才逐個比.

多依樹梯田

呢度賣雞旦, 2元一隻, 可拍照. 拍完要買, 我仲帶備糖果給這些小朋友. 好可愛!

稀罕的油菜花

壩達梯田, 全元陽最大的, 可惜時間剛好是大背光, 陽光又猛, 我冇心機睇, 逗留一陣走了.

lunch!

走lu, 元陽, 離開時大概17:00 與師傅商量過不走建水條路, 車程短但路不好走, 又塞車, 師傅決定有元江公路 (好新, 地圖都沒有的), 但時間一樣長, 去到元江快要21:00, 中途更行雷閃電下大雨, 有d 驚, 好在都冇事.
元江: 氣溫足有30度, 呢晚要開冷氣訓
住: 好平. 但唔記得幾多十元. 師傅自己找地方
食: 呢餐唔過100.

趕路途中一攝