匆匆忙忙台北3天遊~~ Day 1

台北3天行程終於在愉快的氣氛下完滿結束.
其實今次算比想像中好玩, 行程十足, 但每個地點都總是只有少少時間, 無法啦, 鴨仔團是咁, 我們已經是包團, 不設任何回佣購物點. 要在3日行晒所設地點, 唯有是這樣.
星期五7月18日我一早到了機場, 因為最終都是乘坐機鐵出機場, 提前了半小時到達. 可以先慢慢吃過早餐. 嘩, 可能真是大團人, check-in 時間都用左一個鐘頭有多, 旅行社職員忙於編排坐位, 我們只好呆等. 同時間老闆開始叫名, 每人有一千台幣零用, 有些同事沒有預先知道, 收到後喜出望外. . 到派登機証時, 也差不多是入閘時間, 去到閘口已是final call 時間. 真充實.
未出發前, 天氣預報台北打風, 下大雨, 當著陸台北機場, 還見一陣陣小雨, 幸好天公造美, 出閘後天氣尚算可以, 沒有下雨, 反而更好. 我們第一站是去九份, 九份亦是我第一次到達, 感覺一般, 我們只有個多小時停留, 并嘗了當地出名的魚蛋湯.

到了夜晚, 晚餐食咩風情小吃, 講真, 唔好食. 但我本人無咩要求, 我們今次住的酒店是當地5星, 都好靚架. 旅行社一早已將我們分房要求編配, 所以去到酒店是不用等, 馬上可以取匙上房, 而老細o個幾間更升級為套房(值得一讚)比張相各位欣賞下.

晚飯後, 去了士林夜市, 我前年才來過, 但感覺今年物價貴了很多, 加上台幣升值, 還是忍下手吧! 回到酒店已是10:00. 是日行程完畢, 待續~~